సముద్రంలో నలుగురు గల్లంతు.. ఒకరు మృతి.. మరో ముగ్గురి కోసం గాలింపు

Engineering students: వారంతా వివిధ ప్రాంతాలకు చెందిన యువకులు. గుంటూరులోని జి.వి.ఆర్ ఇంజనీరింగ్ కళాశాలలో ద్వితీయ సంవత్సరం చదువుతున్నారు. విహారయాత్ర కోసం సముద్ర తీరానికి వెళ్లారు. అక్కడ కొద్దిసేపు సేదతీరి.. ఆ తరువాత సముద్ర స్నానానికి వెళ్లారు. అలల తాకిడి పెరగడంతో నలుగురు గల్లంతయ్యారు.

Engineering students died: విహారయాత్ర విషాద యాత్రగా మారిన ఘటన బాపట్ల జిల్లా వేటపాలెం మండలం రామాపురం సముద్ర తీరంలో జరిగింది. గుంటూరులోని జీవీఆర్ ఇంజనీరింగ్ కళాశాల విద్యార్థులు ఏడుగురు రామాపురం బీచ్​కు వచ్చారు. స్నానం చేసేందుకు సముద్రంలోకి దిగారు. అలల తాకిడికి నలుగురు విద్యార్థులు గల్లంతయ్యారు. గల్లంతైన వారిలో మహాదేవ్ అనే యువకుడి మృతదేహం ఒడ్డుకు కొట్టుకురాగా.. తెనాలికి చెందిన రమణ, గౌతమ్​లతోపాటు గుంటూరుకు చెందిన రోహిత్ కోసం పోలీసులు గాలిస్తున్నారు.

ఒడ్డుకొచ్చిన మృతదేహం హైదరాబాద్​కు చెందిన మహాదేవుగా పోలీసులు గుర్తించారు. వీరందరూ గుంటూరు జీవీఆర్ ఇంజనీరింగ్ కళాశాలలో ఇంజనీరింగ్ ద్వితీయ సంవత్సరం చదువుతున్నారు. విషయం తెలుసుకున్న చీరాల ఎమ్మెల్యే కరణం బలరాం కృష్ణమూర్తి సంఘటనా స్థలానికి చేరుకొని ప్రమాద వివరాలను గురించి అడిగి తెలుసుకున్నారు.

ఇవీ చదవండి