ఉరవకొండ గ్రామ సచివాలయం ఎదుట చేనేత కార్మికుల నిరసన
అనంతపురం జిల్లా ఉరవకొండ గ్రామ సచివాలయం ముందు చేనేత కార్మికులు ఆందోళన చేపట్టారు. అర్హులైన చేనేతలవి కాకుండా... అనర్హుల పేర్లను జాబితాలో నమోదు చేసి తమకు అన్యాయం చేశారని ఆరోపించారు. సంవత్సరానికి రూ.24,000 అర్హులైన చేనేత కార్మికులకు ఇచ్చేందుకు... ప్రభుత్వం వైఎస్సార్ నేతన్న నేస్తం పథకం ప్రవేశపెట్టింది. కొంతమంది వైకాపా నేతలు... గ్రామ వాలంటీర్ల ద్వారా అనర్హుల పేర్లను జాబితాలో చేర్చారని వాపోయారు. వారికి మగ్గం లేకపోయినా జాబితాలో పేరు నమోదు చేసి... నిజమైన చేనేతలను అన్యాయం చేస్తున్నారని వాపోయారు. అధికారులు స్పందించి న్యాయం చేయాలని డిమాండ్ చేశారు.
