సెంట్రల్ యూనివర్సిటీ విద్యార్థులకు ప్రపంచ స్థాయి ప్రమాణాలతో విద్యాబోధన చేయాలని భారత ఉపరాష్ట్రపతి వెంకయ్య నాయుడు అన్నారు. అనంతపురంలోని కేంద్రీయ విశ్వవిద్యాలయం ఆవిర్భావ దినోత్సవం సందర్భంగా... వీసీ ఆచార్య ఎస్.ఏ.కొరి అధ్యక్షతన నిర్వహించిన వెబినార్కు ముఖ్య అతిథిగా వెంకయ్య హాజరయ్యారు. ప్రపంచ వ్యాప్తంగా వివిధ హోదాల్లో ఉన్న రాయలసీమ ప్రముఖులు సెంట్రల్ యూనివర్సిటీ అభివృద్ధికి తోడ్పడాలని ఆయన చెప్పారు. దేశంలోని ఐదు రాష్ట్రాల్లోని ఎనిమిది ఇంజినీరింగ్ కళాశాలల్లో మాతృభాషలో విద్యాబోధన జరుగుతోందని వెంకయ్యనాయుడు అన్నారు. ఏడాది కాలంలో ఐదు కొత్త కోర్సులను ప్రవేశపెట్టామని వీసీ ఆచార్య ఎస్.ఏ.కొరి వెల్లడించారు.
ఇదీ చదవండి
Covid: పాఠశాలల్లో కరోనా కలకలం..వైరస్ బారిన విద్యార్థులు, ఉపాధ్యాయులు
