మద్యం మత్తులో ఇద్దరు యువకుల ఘర్షణ.. ఒకరిపై మరొకరు కత్తితో దాడి

మద్యం మత్తులో ఇద్దరు యువకులు గొడవపడి.. కత్తితో దాడికి పాల్పడిన ఘటన హిందూపురంలో చోటు చేసుకుంది. గాయపడిన వ్యక్తి పరిస్థితి విషమంగానే ఉన్నట్టు తెలుస్తోంది. పోలీసులు దర్యాప్తు ప్రారంభించారు.

తాగిన మైకంలో ఇద్దరు యువకులు ఘర్షణ పడి.. కత్తితో పొడిచిన ఘటన అనంతపురం జిల్లా హిందూపురంలో చోటు చేసుకుంది. బోయపేటకు చెందినసాయి కుమార్, బండి మోటు శివ ల మధ్య ఘర్షణ జరిగింది.

సాయి కుమార్ అనే యువకుడిని.. బండి మోటు శివ అనే యువకుడు కత్తితో పొడిచాడు. ఈ దాడిలో తీవ్ర గాయాలైన సాయి కుమార్​ను హిందూపురం ప్రభుత్వ ఆస్పత్రికి తరలించగా.. పరిస్థితి విషమించడంతో మెరుగైన వైద్యం కోసం అనంతపురం ప్రభుత్వ ఆసుపత్రికి తరలించారు. రెండో పట్టణ పోలీసులు దీనిపై కేసు నమోదు చేసి దర్యాప్తు చేపట్టారు.

ఇదీ చదవండి: