పూర్తయిన మరమ్మతులు... యథావిధిగా రైళ్ల సేవలు

గుంతకల్లు డివిజన్​లో కొన్నాళ్లుగా రద్దయిన రైళ్లు శుక్రవారం పట్టాలపై పరుగులు తీశాయి. మరమ్మతులు పూరైనందున రైళ్ల సేవలు తిరిగి ప్రారంభించారు.

సిగ్నలింగ్, లైనింగ్ పనుల వల్ల దక్షిణ మధ్య రైల్వే పరిధిలోని గుంతకల్లులో రద్దయిన రైళ్ల సేవలు తిరిగి ప్రారంభమయ్యాయి. అనుకున్న దానికంటే ఒక్కరోజు ముందే డీఆర్​ఎమ్ సహకారంతో పనులు పూర్తి చేశారు. గురువారం నుంచి యధావిధిగా రైళ్లు రాకపోకలు కొనసాగిస్తున్నాయి.
గుంతకల్లు, కల్లూరు మార్గంలో లైనింగ్ పనులు పూర్తి అవ్వడం వలన అనంతపురం జిల్లాకు రైళ్లు వేగంగా చేరుకుంటాయి. ఈ రైళ్లు మొదటి... రెండవ ప్లాట్ ఫామ్​లు త్వరలో ప్రజలకు అందుబాటులోకి రానున్నాయి. వారం రోజులుగా రైళ్లు రద్దు అయినందున ప్రయాణికులు ఇబ్బందులు పడ్డారు. నిన్నటి నుండి పలు ఎక్స్​ప్రెస్, పాసెంజర్ రైళ్లు అందుబాటులోకి వచ్చినందున స్టేషన్.. ప్రయాణికులతో కిక్కిరిసిపోయాయి.