అనంతపురం జిల్లా బుక్కరాయసముద్రం ప్రాథమిక పాఠశాలలో వెంకట నారాయణ అనే దివ్యాంగుడు ఉపాధ్యాయునిగా పని చేస్తున్నారు. అదే పాఠశాలలో ప్రధానోపాధ్యాయుడు పని చేస్తున్న మురళీమోహన్ తనను మానసికంగా వేధిస్తున్నాడంటూ వెంకట నారాయణ ఆవేదన వ్యక్తం చేశాడు. తన అంగవైకల్యాన్ని ఎత్తిచూపుతూ విద్యార్థుల ముందు ఇష్టానుసారంగా ప్రవర్తిస్తున్నాడని వాపోయాడు. అసభ్య పదజాలంతో దూషిస్తున్నాడని ఆరోపించారు.
ప్రధానోపాధ్యాయుడిగా ఉంటూ.. పాఠశాలకు రాకుండా రియల్ ఎస్టేట్ వ్యాపారాలు చేస్తున్నాడని వెంకటనారాయణ ఆరోపించారు. ఇదేమిటని ప్రశ్నిస్తే తన అంగవైకల్యాన్ని ఎత్తిచూపుతూ దుర్భాషలాడుతూ ఉన్నాడని దివ్యాంగుడు వెంకటనారాయణ ఆవేదన వ్యక్తం చేశారు. ప్రధానోపాధ్యాయుడు మురళీమోహన్ వేధింపులను తట్టుకోలేక స్పందన కార్యక్రమంలో కలెక్టర్కు తన సమస్యను తెలియజేశారు. మురళీ మోహన్పై చట్టపరమైన చర్యలు తీసుకోవాలని ఆయన డిమాండ్ చేశారు.
ఇదీ చదవండి
