'అక్కడ వారిని ఇక్కడ క్వారంటైన్​లో ఉంచకండి'

అనంతపురం జిల్లా మడకశిరలో తెదేపా నేతలు ఎమ్మార్వోకు వినతి పత్రం అందజేశారు. పట్టణంలో ఇప్పటివరకు కరోనా పాజిటివ్​ కేసులు నమోదు కాలేదన్నారు. అలాంటిది హిందూపురం కరోనా బాధితులను మడకశిరలో ఏర్పాటు చేసిన క్వారంటైన్​లో ఉంచవద్దంటూ కోరారు.

గత 2 నెలలుగా కరోనా వైరస్ విజృంభిస్తున్న తరుణంలో ప్రభుత్వం లాక్ డౌన్ ప్రకటించింది. ప్రజలు కూడా జాగ్రత్తలు వహిస్తున్నారు. ఈ తరుణంలో అనంతపురం జిల్లా మడకశిర పట్టణంలో ఇప్పటివరకు పాజిటివ్ కేసులు నమోదు కాకపోవడంపై ప్రజలు ఆనందం వ్యక్తం చేస్తున్నారు.

అయితే కొన్ని రోజుల క్రితం పక్కనున్న హిందూపురం ప్రాంతంలోని రెడ్ జోన్ లో ఉన్న వ్యక్తులను మడకశిరలో ఏర్పాటు చేసిన క్వారంటైన్​కు తరలిస్తున్నారు. దీంతో పట్టణ ప్రజలు భయాందోళనకు గురవుతున్నారు. ఈ నేపథ్యంలో మడకశిర తెలుగుదేశం పార్టీ నాయకులు కార్యకర్తలు హిందూపురం నుంచి వచ్చిన వ్యక్తులను అక్కడి క్వారంటైన్​లో ఉంచరాదని డిమాండ్ చేస్తూ ఎమ్మార్వోకు వినతి పత్రం అందజేశారు.

ఇవీ చూడండి: