'రాజధాని తరలిస్తే...ఆమరణ నిరాహార దీక్ష చేస్తాం'

రాజధానిని తరలించే ప్రయత్నాలు చేస్తే ఆమరణ నిరాహారదీక్ష చేపడతామని పరిటాల సునీత అన్నారు. రాజధానిపై సీఎం జగన్ స్పష్టమైన ప్రకటన చేయాలని ఆమె డిమాండ్ చేశారు.

రాజధానిని తరలించే ప్రయత్నాలు చేస్తే ఆమరణ నిరాహారదీక్ష చేసేందుకైనా వెనుకాడబోమని మాజీ మంత్రి పరిటాల సునీత అన్నారు. అనంతపురం జిల్లా అమరాపురంలో ఎన్టీఆర్ విగ్రహ ఆవిష్కరణ కార్యక్రమంలో ఆమె పాల్గొన్నారు. వైకాపా ప్రభుత్వం ఏర్పడి 3 నెలలైనా... ఇప్పటివరకు ఒక్క రత్నం కూడా రాలేదని విమర్శించారు. రాజధానిపై సీఎం జగన్ స్పష్టమైన ప్రకటన చేయాలని పరిటాల సునీత డిమాండ్ చేశారు.