పాముకాటుకు ఏడో తరగతి విద్యార్థి మృతి

పాము కాటుకు గురైన విద్యార్థి నిద్రలోనే మరణించాడు. ఈ ఘటన అనంతపురం జిల్లా నల్లచెరువు మండలం మాడిశెట్టిపల్లిలో జరిగింది.

అనంతపురం జిల్లా నల్లచెరువు మండలం మాడిశెట్టిపల్లిలో ఓ బాలుడు పాముకాటుతో మృతి చెందాడు. ఏడో తరగతి చదువుతున్న దినేష్ వినాయక చవితి పండగ రోజు తోటి పిల్లలతో కలిసి పగలంతా తిరిగాడు. రాత్రి భోజనం తర్వాత కుటుంబ సభ్యులతో కలిసి నిద్రపోయాడు. నిద్రలో తనను ఏదో కాటేసిందని కుటుంబ సభ్యులకు చెప్పటంతో పామును గుర్తించి చంపేశారు. వెంటనే బాలుడిని వైద్యం కోసం ఆసుపత్రికి తరలిస్తుండగా మృతి చెందాడు.

ఇదీ చదవండి:ప్రమాదవశాత్తు వాగులో పడి యువకుడు మృతి