అనంతపురం జిల్లా సోమందేపల్లి మండలం కొనతట్టుపల్లిలో పంచాయతీ ఎన్నికల్లో రెబల్గా వార్డు సభ్యురాలిగా పోటీచేసిన పద్మతో.. అధికార పార్టీ కార్యకర్తలు అసభ్యంగా ప్రవర్తించారు. తన దుస్తులు చింపి దాడి చేశారని ఆమె ఆవేదన వ్యక్తం చేసింది. మాజీ సర్పంచి, వాలంటీర్తో పాటు దాదాపు 200మంది గ్రామస్థులు.. సోమందేపల్లి పోలీస్ స్టేషన్కు వచ్చి ఫిర్యాదు చేశారు.
ఇటీవల జరిగిన పంచాయతీ పోరులో వైకాపా మద్దతుదారుడు విజయం సాధించగా.. ఆయన ఇంటి దగ్గర పెద్ద ఎత్తున టపాసులు కాలుస్తూ, నానా హంగామా సృష్టించారని బాధితురాలు పేర్కొంది. ఆ శబ్దానికి తమ గొర్రెలు భయపడటంతో.. వారిని అడ్డుకునే ప్రయత్నం చేసినట్లు తెలిపింది. ఆగ్రహంతో ఊగిపోయిన అధికార పార్టీ నేతలు.. తన ఇంటిపై రాళ్లతో దాడి చేసి, దుర్భాషలాడారని వాపోయింది. అంతటితో ఆగకుండా తన దుస్తులు చించారని ఆవేదన వ్యక్తం చేసింది. అడ్డుకోవటానికి వచ్చిన వారిపైనా దాడులు చేశారని వెల్లడించింది.
ఇదీ చదవండి:
