ఇసుక అక్రమ రవాణా...13టిప్పర్లు సీజ్
అనంతపురం జిల్లా రాయదుర్గం నియోజకవర్గంలో కణేకల్లు క్రాసింగ్ వద్ద ఇసుకను అక్రమంగా తరలిస్తున్న 4 టిప్పర్లను స్థానికులు అడ్డుకున్నారు. రాయదుర్గం మండలం వేపరాల క్రాస్ వద్ద ఉన్న వేదవతి హగరి నదిలో ఇసుకను నింపుకుని బళ్లారికి తరలించేందుకు సిద్ధంగా ఉన్న మరో 9 టిప్పర్లను పోలీసులు స్వాధీనం చేసుకున్నారు. బళ్లారి జిల్లాలోని శిరిగుప్ప ప్రాంతంలో ఇసుక నింపుకుని కురుగోడుకు తరలించేందుకు పర్మిట్లు మాత్రమే ఉండగా.. ఆంధ్రా నుంచి కర్ణాటకకు తరలించేందుకు యత్నించారు. శుక్రవారం నాడు పోలీసులు వినాయక చవితి నిమజ్జనం బందోబస్తులో ఉంటారనే అంచనాతో... ఏకంగా 14టిప్పర్లతో వచ్చినట్లు తెలుస్తోంది.
ఇవీ చూడండి-సవాల్ విసిరాడని... స్నేహితుడ్ని హతమార్చారు
