అనంతపురం జిల్లాలో రోడ్డు ప్రమాదం జరిగింది. పెనుకొండ మండలంలోని హాజిపురం సమీపంలో 44వ జాతీయ రహదారిపై ముందు వెళుతున్న లారీని బొలెరో వాహనం ఢీకొట్టింది. ఈ ప్రమాదంలో బొలెరో డ్రైవర్ మృతి చెందాడు.
బెంగళూరు నుంచి హైదరాబాద్ వైపు వెళ్తున్న కంటైనర్ను పెనుకొండ కూడలి వద్దకు రాగానే బొలెరో వాహనం ఢీ కొట్టిందని స్థానికులు తెలిపారు. విషయం తెలుసుకున్న జాతీయ రహదారి నిర్వహణ సిబ్బంది ఘటనా స్థలానికి చేరుకొని వాహనాలను రోడ్డు మీద నుంచి పక్కకు జరిపించారు. పోలీసులు కేసు నమోదు చేసి..మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.
ఇదీ చదవండి:
వివేకా హత్య కేసులో సీబీఐ దర్యాప్తు ఎంతవరకు వచ్చింది?: తెదేపా
