రావి ఆకులపై.. రామాయణం

శ్రీ రాముడి జన్మస్థలమైన అయోధ్యలో రామాలయ నిర్మాణ ప్రక్రియ ప్రారంభమైంది. అయోధ్యలో రామాలయ నిర్మాణం కోసం ఏళ్ల తరబడి నిరీక్షించిన రామ భక్తులు సంతోషం వ్యక్తం చేస్తున్నారు. అనంతపురానికి చెందిన ఓ రామభక్తుడు.. రావి ఆకులపై రామాయణములోని ఘట్టాలను చిత్రీకరించారు.

అనంతపురం జిల్లా కదిరి పట్టణానికి చెందిన ఓ చిత్రకారుడు రామాయణం, రాముడి పట్ల తన భక్తిని చాటుకుంటూ.. రావి ఆకులపై రామాయణములోని ఘట్టాలను చిత్రీకరించారు. కదిరి పట్టణానికి చెందిన శేషాద్రి.. శ్రీరామచంద్రమూర్తి , సీతమ్మ, ఆంజనేయుడితో పాటు రామాయణంలోని ఘట్టాలను కళ్లకు కట్టినట్టు ఆకులపై తీర్చిదిద్దారు. రావి ఆకులపై రామాయణం ఘట్టాలను తిలకించిన భక్తులు చిత్రకారుడిని అభినందిస్తున్నారు.

ఇదీ చదవండి: ఈ రామ భక్తులు.. రామదాసుకేం తీసిపోరు!