రైతులకు మంచి జరగాలని రఘువీరా రెడ్డి మౌనదీక్ష

కాంగ్రెస్​ సీనియర్ నేత రఘువీరా రెడ్డి ప్రజలకు, రైతులకు మంచి జరగాలని ఉగాది పండగ రోజున మౌన దీక్ష చేశారు. అనంతరం గాంధీ విగ్రహానికి పూజలు చేసి వచ్చిన వారికి ఉగాది పచ్చడి అందించారు.

అనంతపురం జిల్లాలో కరవుతో రైతుల ఆత్మహత్యలపై చలించిన కాంగ్రెస్ సీనియర్ నేత, పీసీసీ మాజీ అధ్యక్షుడు రఘువీరా రెడ్డి.. ముస్లింలతో కలిసి ఆనవాయితీగా గత 25 ఏళ్లుగా గాంధీ విగ్రహం వద్ద మౌన దీక్ష చేస్తున్నారు. ప్రస్తుతం కరోనా వ్యాప్తి కారణంగా లాక్​డౌన్​ ఉన్నందువల్ల తన స్వగ్రామంలో కుటుంబ సభ్యులతో, ముస్లింలతో కలిసి గాంధీ చిత్రపటానికి పూజలు చేశారు. అనంతరం గంట పాటు మౌనదీక్ష చేశారు. వచ్చిన వారికి ఉగాది పచ్చడి అందించారు. కరోనా విముక్తి చెంది ప్రపంచంలో శాంతి నెలకొని పంటలు బాగా పండాలని ఆకాంక్షించారు.

ఇదీ చూడండి: