జనావాసాల్లోకి కొండచిలువ.. పరుగులు తీసిన ప్రజలు

అనంతపురం జిల్లా తాడిమరి మండలం పెద్దకోట్లలో కొండచిలువ కలకలం సృష్టించింది. కొందరు యువకులు అటవీ శాఖకు సమాచారం అందించగా.. సిబ్బంది వచ్చి బంధించారు. చిత్రావతి జలాశయంలో 10 టీఎంసీల నీరు నింపడం వల్లనే.. పాములు, కొండచిలువలు తమ నివాసాల్లోకి వస్తున్నాయని గ్రామస్థులు ఆరోపించారు.

అడవుల్లో కనిపించే కొండచిలువ.. జనావాసాల్లోకి రావడంతో ప్రజలు భయాందోళనకు గురయ్యారు. అనంతపురం జిల్లా తాడిమరి మండలం పెద్దకోట్లలో జరిగిందీ ఘటన. కొండచిలువను చూసిన గ్రామస్థులు పరుగులు తీశారు. కొందరు యువకులు అటవీ శాఖ అధికారులకు సమాచారం ఇవ్వగా.. సిబ్బంది అక్కడకు చేరుకుని కొండచిలువను బంధించారు.

చిత్రావతి జలాశయంలోకి 10 టీఎంసీల నీరు నింపడం వల్ల.. ఆ ప్రాంతంలో ఉన్న కొండచిలువలు, పాములు పెద్దకొట్లలోకి వస్తున్నాయని గ్రామస్థులు ఆందోళన వ్యక్తం చేస్తున్నారు.

ఇదీ చదవండి: ఆగి ఉన్న ఆటోను ఢీ కొట్టిన లారీ.. ముగ్గురి పరిస్థితి విషమం