గల్లీ నుంచి దిల్లీ వరకు గాంధీ కుటుంబ నాయకత్వాన్ని కార్యకర్తలు కోరుకుంటున్నారని ఏపీసీసీ అధ్యక్షుడు శైలజానాథ్ అనంతపురంలో అన్నారు. గాంధీ కుటుంబానికి సంబంధం లేని నాయకులు కాంగ్రెస్లో ఎక్కువమందే ప్రధాని అయ్యారని గుర్తుచేసుకున్నారు. సీనియర్ కాంగ్రెస్ నాయకుడు గులాంనబీ ఆజాద్.... జాతీయ కాంగ్రెస్ మాజీ అధ్యక్షుడు రాహుల్ గాంధీ నాయకత్వం విమర్శిస్తూ లేఖ రాయడం దురదృష్టకరమన్నారు. కాంగ్రెస్ అధికారంలో ఉన్నప్పుడు ఉన్నత పదవులు అలంకరించిన వారు... ఇలా చేయడం బాధాకరమన్నారు. కాంగ్రెస్ హయాంలోనే దేశ ఆర్థిక వ్యవస్థ ముందంజలో ఉండేదని...ప్రస్తుతం అంధకారంలోకి పడిపోయిందని శైలజానాథ్ తెలిపారు.
ఇదీ చదవండి: హోటళ్లలో కొవిడ్ వైద్యం నిర్వహణపై వామపక్షాల నిరసన
