అనంతపురం జిల్లా ముదిగుబ్బ మండలం యోగివేమన జలాశయం వద్ద జరిగిన ఇద్దరి హత్యల కేసులో 9 మంది నిందితులను పోలీసులు అరెస్ట్ చేశారు. దిగువ పల్లికి చెందిన కేశవ్.. అతని మేనమామ గంగరాజు ద్విచక్ర వాహనంలో గ్రామానికి వెళ్తుండగా వారిని కేశవ్ దాయాదులైన శివయ్య, రామచంద్రతో పాటు మరో ఏడుగురు కొడవళ్లతో దాడి చేసి నరికి చంపారని పోలీసులు తెలిపారు.
"శివయ్య భార్యకు సూర్యనారాయణ అనే వ్యక్తితో వివాహేతర సంబంధం ఉందనే కారణంతో అతన్ని హత్య చేసేందుకు కేశవను శివయ్య సంప్రదించాడు. అందుకు అతడు నిరాకరించాడు. సూర్యనారాయణతో అప్పటికే సన్నిహితంగా మెలుగుతున్న కేశవ్.. హత్య కుట్రపై సమాచారం ఇచ్చాడు. ఈ విషయం తెలిసి.. శివయ్య, అతని బంధువులు కలసి కేశవ్ను హతమార్చారు. అడ్డువచ్చిన గంగరాజును సైతం చంపేశారు. నిందితుల నుంచి వేట కొడవలితో పాటు హత్యకు ఉపయోగించిన కర్రను పోలీసులు స్వాధీనం చేసుకుని... రిమాండ్కు తరలించారు" అని డీఎస్పీ తెలిపారు.
ఇదీ చదవండి:
