Man dies of corona fear: అనంతపురం జిల్లా కుందుర్పి మండలం బెస్తరపల్లి గ్రామంలో విషాదం నెలకొంది. గ్రామానికి చెందిన గోవిందప్ప.. కోరనా భయంతో ఉరి వేసుకుని ఆత్మహత్య చేసుకున్నాడు. ఊరూరా తిరుగుతూ నూనె వ్యాపారం చేసుకుంటూ జీవనం సాగిస్తున్న గోవిందప్ప.. 4 రోజుల క్రితం జ్వరం రావడంతో కొవిడ్ నిర్థారణ పరీక్షలు చేయించుకున్నాడు. కరోనా సోకినట్లు నిర్ధారణ కావడంతో భయానికి గురయ్యాడు. స్వగ్రామం బెస్తరపల్లి గ్రామ శివారులోని చెట్టుకు ఉరి పోసుకుని ఆత్మహత్యకు పాల్పడ్డాడు. ఘటనపై పోలీసులు కేసు నమోదు చేశారు. పోస్టుమార్టం నిమిత్తం మృతదేహాన్ని కళ్యాణదుర్గం ప్రభుత్వాసుపత్రికి తరలించారు. మృతునికి భార్య, కుమారుడు ఉన్నారు.
ఇదీ చదవండి:
