పదవీ విరమణ పొందిన ఉద్యోగుల సొమ్ముతో పాటు, కార్యాలయం డబ్బు కాజేసిన జలవనరుల శాఖ జూనియర్ క్లర్క్ను పోలీసులు అరెస్టు చేసి రిమాండ్కు పంపారు. అనంతపురం జిల్లా హెచ్చెల్సీ కాలవ లోకలైజేషన్లో జూనియర్ అసిస్టెంట్గా పనిచేసే ప్రవేశ్కుమార్... 47 బిల్లులకు సంబంధించి దాదాపు 50 లక్షల రూపాయల సొమ్మును సొంత ఖాతాకు బదిలీ చేసుకున్నట్టు పోలీసులు ప్రాథమికంగా నిర్ధారించారు. పదవీ విరమణ పొందిన ఓ ఉద్యోగి.. తన పీఎఫ్ సొమ్ము 18 లక్షల రూపాయలు వేరొకరి బ్యాంకు ఖాతాకు జమచేసి కాజేసినట్లు బాధితుడు అధికారులకు ఫిర్యాదు చేయగా.. ఈ అక్రమాలు వెలుగుచూశాయి.
కార్యాలయంలో మంజూరు చేసిన బిల్లుల మొత్తాన్ని పంపిణీ చేయకుండా... వేర్వేరు చోట్ల బినామీ ఖాతాలకు బదిలీచేసి కాజేసినట్లు జలవనరులశాఖ అధికారులు నిర్ధారణకు వచ్చారు. ఈ అక్రమాలపై శాఖాపరమైన విచారణ కోసం లోకలైజేషన్ ఈఈ సురేష్ బాబును వివరణ కోరినప్పటికీ సమాధానం రాని కారణంగా... ఆయనపైనా వేటు వేసి... రాష్ట్ర కార్యాలయానికి సరెండర్ చేశారు. అక్రమాలపై హెచ్చెల్సీ ఎస్ఈ రాజశేఖర్ ఫిర్యాదుతో జూనియర్ అసిస్టెంట్ ప్రవేశ్కుమార్ను పోలీసులు అదుపులోకి తీసుకొని కోర్టు ముందుంచారు. కోర్టు ఆదేశాలతో నిందితుడిని రిమాండ్కు పంపారు. ఈఈ సురేష్బాబుపై కఠిన చర్యలు తీసుకోవాలని రాష్ట్ర అధికారులకు లేఖ పంపారు. అక్రమాలపై చర్యలు తీసుకుంటామని అధికారులు చెబుతున్నారు.
ఇదీ చదవండి:
