ఫోర్జరీ సంతకాలతో ఇసుక రవాణా...

ఇసుక కష్టాలు తీర్చుకోవడానికి ఒక్కొక్కరు ఒక్కో దారి వెతుక్కంటున్నారు. ఇసుక తరలింపునకు తహశీల్దార్ అనుమతి ఇచ్చినట్టు పత్రాలు సృష్టించాడు ఓ వ్యక్తి. ఇసుక తరలిస్తూ పోలీసులకు చిక్కాడు. 3 రోజులైనా పోలీసులు కేసు నమోదు చేయకపోవడం అనుమానాలకు తావిస్తోంది.

అనంతపురంజిల్లాలో ఇసుక కష్టాలు తీర్చుకోవడానికి ఒక్కొక్కరు ఒక్కో దారి వెతుక్కుంటున్నారు. అనంతపురం జిల్లా గుంతకల్లులో ఏకంగా తహశీల్దార్ అనుమతి ఇచ్చినట్టు పత్రాలు సృష్టించిన ఓ వ్యక్తి ఇసుక రవాణాకు యత్నించాడు. చివరకు వజ్రకరూర్ పోలీస్‌లకు దొరికిపోయాడు. ఈ ఘటన జరిగి 3 రోజులైనా... ఇప్పటి వరకు ఎవరిపైనా కేసు నమోదు కాలేదు. ఎం.ఆర్.వో చెప్పినా పోలీసులు స్పందించకపోవడంపై అనుమానాలు వ్యక్తం చేస్తున్నారు స్థానికులు.