ఎడతెరిపిలేని వర్షాలకు కొట్టుకుపోయిన వంతెన
ఆ గ్రామానికి ఉన్నది ఒకటే దారి... ఎడతెరిపిలేని వర్షలకు ఉన్న ఆ ఒక్క దారి అధ్వాన స్థితికి చేరడంతో స్థానికులకు ఇబ్బందులు తప్పడం లేదు. అనంతపురం జిల్లా ధర్మవరం మండలం కనంపల్లిలో దాదాపు 2 వందల కుటుంబాలు నివసిస్తున్నాయి. గ్రామం నుంచి వేరే ఊర్లకు వెళ్లాలంటే చిత్రావతి నదిపై ఉన్న వంతెన మార్గంలో పోతుల నాగేపల్లి మీదుగా రాకపోకలు జరిగేవి. ఇటీవల కురిసిన భారీ వర్షాలకు నది ఉద్ధృతంగా ప్రవహించడంతో... మట్టి వంతెన కొట్టుకు పోయింది. 2 గ్రామాల మధ్య రాకపోకలు నిలిచిపోగా... రైతులు, విద్యార్థులు నదిలోనే రాకపోకలు చేస్తున్నారు. అధికారులు పట్టించుకోని వంతెన నిర్మాణం చేపట్టాలని స్థానికులు కోరుతున్నారు.
