జగన్​ వైద్య రంగానికి పెద్ద పీఠ వేశారు : కాపు

దేశంలోనే వైద్యరంగానికి ఇంత పెద్ద ఎత్తున నిధులు కేటాయించిన ముఖ్యమంత్రిగా వైఎస్ జగన్మోహన్ రెడ్డి పేరు ప్రతిష్టలు తెచ్చుకున్నారని ప్రభుత్వ విప్ కాపు రామచంద్రారెడ్డి అన్నారు. రాయదుర్గంలో 104,108 వాహనాలు ప్రారంభించిన ఆయన పట్టణంలో ర్యాలీ నిర్వహించారు.

ప్రజల వైద్య సౌకర్యాల కోసం రాష్ట్ర ప్రభుత్వం పెద్ద ఎత్తున కృషి చేస్తున్నట్లు రాయదుర్గం ఎమ్మెల్యే ప్రభుత్వ విప్ కాపు రామచంద్రారెడ్డి తెలిపారు. అనంతపురం జిల్లా రాయదుర్గంలో 104, 108 వాహనాలను లాంఛనంగా ప్రారంభించిన ఆయన శాంతినగర్​లో వైఎస్ రాజశేఖర్ రెడ్డి విగ్రహానికి పూలమాల వేసి ఘనంగా నివాళులర్పించారు. అనంతరం అంబులెన్స్​లకు పచ్చజెండా ఊపి ప్రారంభించారు. అక్కడ నుంచి నేసేపేట, వినాయక సర్కిల్, పాత బస్టాండ్, లక్ష్మీ బజార్ మీదుగా ఆర్ అండ్ బి అతిథి గృహం వరకు అంబులెన్స్​లతోపాటు వైకాపా నాయకులు, కార్యకర్తలతో పెద్ద ఎత్తున ర్యాలీ చేపట్టారు. తండ్రి వైయస్ రాజశేఖర్ రెడ్డి బాటలో తనయుడు ముఖ్యమంత్రి వైయస్ జగన్మోహన్ రెడ్డి నడుస్తున్నట్లు ప్రభుత్వ విప్ కాపు రామచంద్రారెడ్డి కొనియాడారు.

ఇవీ చూడండి...