విత్తనాలు పంపిణీ చేయడం లేదని ధర్నా నిర్వహిస్తున్న రైతులు
అనంతపురం జిల్లా కళ్యాణదుర్గం నియోజకవర్గం శెట్టూరు మండలంలో రైతుల ధర్నా నిర్వహించారు. ప్రత్యామ్నాయ పంటల విత్తనాల కోసం వచ్చిన రైతులను...అధికారులు ఎవరు పట్టించుకోవడం లేదని వారు ఆగ్రహం వ్యక్తం చేశారు. అధికారులు విత్తనాల పంపిణీ పట్ల జాప్యం చేస్తున్నారని ఆరోపిస్తూ...శెట్టూరు మండల పరిషత్ కార్యాలయం ముందు ధర్నా చేపట్టారు. వ్యవసాయ అధికారి వచ్చి వెంటనే సమాధానం ఇవ్వాలని డిమాండ్ చేస్తూ నినాదాలు చేశారు. ఇప్పటికైనా అధికారులు స్పందించి సకాలంలో విత్తనాలను పంపిణీ చేయాలని... లేదంటే ఆందోళనలను ఉధృతం చేస్తామని రైతులు హెచ్చరించారు.
ఇదీ చూడండి: విమర్శలకు ఇదే నా సమాధానం: సింధు
