లాక్డౌన్ కారణంగా నష్టపోతున్న రైతులను ఆదుకోవడం అన్నది.. ప్రభుత్వ ప్రకటనల్లో తప్ప క్షేత్రస్థాయిలో కనిపించడం లేదని మాజీ మంత్రి పరిటాల సునీత అన్నారు. కరోనా నేపథ్యంలో తీవ్ర ఇబ్బందుల్లో ఉన్న పేదవారిని, రైతులను, చేనేత కార్మికులను ఆదుకోవాలని డిమాండ్ చేస్తూ ఆమె తన స్వగృహంలో నిరాహార దీక్ష చేపట్టారు. ప్రధానంగా ఐదు డిమాండ్లతో ఈ దీక్ష చేపట్టినట్లు పేర్కొన్నారు. పేదల ఆకలి తీర్చేందుకు అన్న క్యాంటీన్లను తీసుకొస్తే వాటిని కక్షతో తీసివేశారని సునీత మండిపడ్డారు. ధర్మవరం, హిందూపురంతో పాటు రాష్ట్ర వ్యాప్తంగా వేలాది చేనేత కార్మికులు లాక్డౌన్ కారణంగా తీవ్ర ఇబ్బందుల్లో ఉన్నారని ధర్మవరం తెదేపా ఇన్ఛార్జ్ పరిటాల శ్రీరాం అన్నారు. అలాంటివారికి ప్రభుత్వం ప్రత్యేక ఆర్థిక సాయం అందించాలని ఆయన డిమాండ్ చేశారు.
ఇదీ చూడండి:
