అనంతపురం జిల్లా వజ్రకరూరు పొలాల్లో ఓ వ్యక్తికి విలువైన వజ్రం లభ్యమైంది. దొరికిన ఆ వజ్రాన్ని ఓ వ్యాపారి రూ.8 లక్షల నగదుతో పాటు 6 తులాల బంగారం ఇచ్చి ఆ వ్యక్తి నుంచి కొనుగోలు చేశాడని స్థానికులు చెబుతున్నారు. ఈ విషయం తెలుసుకున్న పోలీసులు, రెవెన్యూ అధికారులు విచారణ చేపట్టారు. వజ్రకరూరు పొలాల్లో చాలా ఏళ్లుగా వజ్రాలు లభిస్తున్నాయి.
ప్రతి ఏటా వర్షాలు కురిశాయంటే చాలు జిల్లాలోని వివిధ గ్రామాల ప్రజలు పెద్ద ఎత్తున ఆ ప్రాంతానికి చేరుకుని పొలాల్లో వజ్రాలను వెతుకుతూ తమ అదృష్టాన్ని పరీక్షించుకుంటారు. రెండు రోజులుగా కొందరు ఇలాగే వెతుకుతున్న క్రమంలోనే వజ్రం లభ్యమైనట్టు స్థానికులు తెలిపారు.
ఇదీ చూడండి:
