పల్లెల్లో కరోనా కేసులు ... భయాందోళనలో ప్రజలు

అనంతపురం జిల్లా మడకశిర నియోజకవర్గంలోని గ్రామీణ ప్రాంతాల్లో కరోనా విజృంభిస్తోంది. రెండు రోజుల్లో 12 పాజిటివ్ కేసులు నమోదు కావటంతో ప్రజలు ఆందోళన చెందుతున్నారు.

అనంతపురం జిల్లాలో కరోనా ఉద్ధృతి కొనసాగుతోంది. ఈ మహమ్మారి వైరస్ గ్రామాలకు విస్తరిస్తోంది. మడకశిర నియోజకవర్గంలోని మూడు మండలాల్లో గత రెండు రోజుల్లో 12 కరోనా పాజిటివ్ కేసులు నమోదయ్యాయి. వీటిలో అమరాపురం మండలంలో 4, గుడిబండ మండలంలో 5, మడకశిర మండలంలో 3 ఉన్నాయని అధికారులు పేర్కొన్నారు. గ్రామీణ ప్రాంతాల్లోనూ అధికంగా కేసులు నమోదు కావటంతో అక్కడి ప్రజలు ఆందోళన చెందుతున్నారు.

కరోనా బాధితులను అధికారులు ఆస్పత్రికి తరలించారు. బాధితులతో కాంటాక్ట్ అయిన వ్యక్తులను క్వారంటైన్​కు తరలించారు. కరోనా సోకకుండా తీసుకోవాల్సిన జాగ్రత్తలపై అక్కడి ప్రజలకు అధికారులు అవగాహన కల్పించారు.

ఇదీ చదవండి