ఎన్నికల సంఘం ఇప్పటికైనా అధికారాలను మాత్రమే కాదని.. బాధ్యతలను సైతం గుర్తెరిగి వ్యవహరించాలని మంత్రి బొత్స సత్యనారాయణ వ్యాఖ్యానించారు. పంచాయతీ ఎన్నికల సందర్భంగా అనంతపురంలో వైకాపా కార్యకర్తలు, ఎమ్మెల్యేలతో జరిగిన సమావేశంలో బొత్స మాట్లాడారు.
గుంటూరు, చిత్తూరు ఏకగ్రీవాల విషయంలో పునరాలోచించాలని కోరిన మంత్రి పెద్దిరెడ్డిపై గృహ నిర్బంధం చేయాలని ఆదేశించడం సరికాదన్నారు. సుదీర్ఘ రాజకీయ అనుభవం ఉన్న రామచంద్రారెడ్డిపై ఇలాంటి నిర్ణయం ఎలా తీసుకుంటారని బొత్స ప్రశ్నించారు. ఎన్నికల మేనిఫెస్టో విడుదల చేసిన చంద్రబాబుపై చర్యలు తీసుకుని, తెలుగుదేశం పార్టీని ఎన్నికల్లో పోటీకి అనర్హతగా ప్రకటించాలని ఆయన ఎన్నికల సంఘాన్ని డిమాండ్ చేశారు.
ఇదీ చదవండి:
