'పట్టాలు మంజూరు చేసిన ఇళ్ల స్థలాల్లో కార్యాలయాలు ఏర్పాటు మానుకోవాలి'

పట్టాలు మంజూరు చేసిన ఇళ్ల స్థలాల్లో అధికారులు ప్రభుత్వ కార్యాలయాలు నిర్మించరాదంటూ అనంతపురం జిల్లా మడకశిర మండలం వై.బి. హళ్ళి గ్రామస్థులు ఆందోళన చేపట్టారు. ఆ స్థలాల్లో గ్రామ సచివాలయం, రైతు భరోసా కేంద్రం నిర్మించేందుకు సన్నాహాలు చేస్తున్నారని ఆరోపించిన వారు రెవెన్యూ అధికారులకు వినతి పత్రం అందజేశారు.

అనంతపురం జిల్లా మడకశిర మండలం వై.బి. హళ్ళి గ్రామస్థులు ఎమ్మార్వో కార్యాలయం వద్ద ఇంటి స్థలాల్లో ప్రభుత్వ కార్యాలయాలు నిర్మించరాదని ఆందోళన చేపట్టారు. ఈ మేరకు రెవెన్యూ అధికారులకు వినతిపత్రం సమర్పించారు. వై.యస్. రాజశేఖర్​రెడ్డి హయాంలో 26 కుటుంబాలకు పట్టాలు మంజూరు చేసారన్నారు. ప్రస్తుతం ఆ స్థలంలో ఇండ్లు పూర్తి నిర్మాణం అయి ఉన్నాయని, పునాది బిల్లులు మంజూరు అయ్యాయని తెలిపారు. అధికారులు ఆ స్థలాల్లో గ్రామ సచివాలయం, రైతు భరోసా కేంద్రం నిర్మించేందుకు సన్నాహాలు చేస్తున్నారని ఆరోపించారు. గ్రామపంచాయతీలో తీర్మానం చేయకుండా ఏకపక్షంగా వ్యవహరిస్తున్నారన్నారు. . ఇలా చేస్తే 26 కుటుంబాలు నష్టపోతాయని ఆవేదన వ్యక్తం చేశారు. ఉన్నతాధికారులు ప్రజలకు అనుకూలంగా ఉన్న వేరే చోట ప్రభుత్వ కార్యాలయాలు నిర్మించాలని బాధితులు కోరారు.

ఇవీ చూడండి...