అనంతపురం జిల్లా కదిరిలో ఉరుములు మెరుపులతో కూడిన భారీ వర్షం కురిసింది. పట్టణంలోని అడపాల వీధిలో నివాసాల మధ్యలో ఉన్న కొబ్బరి చెట్టుపై పిడుగు పడింది. పిడుగు దాటికి ఒక్కసారిగా మంటలు వ్యాపించి చెట్టు దగ్ధమైంది. ఎగిసిపడుతున్న మంటలను చూసి పరిసర ప్రాంత వాసులు భయాందోళనకు గురయ్యారు. సమాచారం అందుకున్న అగ్నిమాపక సిబ్బంది అక్కడికి చేరుకుని మంటలను అదుపుచేశారు. కొబ్బరి చెట్టు దగ్ధం మినహా.. ఎలాంటి ప్రాణ, ఆస్తి నష్టం లేకపోవడంతో స్థానికులు ఊపిరి పీల్చుకున్నారు.
ఇదీ చదవండి: మరో 2 నెలల్లో అదుపులోకి కరోనా... జులై 15 నాటికి 100 లోపు కేసులు!
