ఆ మండలంపై దృష్టి సారించండి

అనంతపురం జిల్లా విడపనకల్లులో ఓ వలస కూలీకి కరోనా పాజిటివ్ వచ్చింది. ఫలితంగా అధికారులు ఈ మండలంపై ప్రత్యేక దృష్టి సారించారు. ఈ ప్రాంతంలో చేపట్టాల్సిన చర్యలపై జిల్లా ఎస్పీ అధికారులకు దిశానిర్దేశం చేశారు.

అనంతపురం జిల్లా విడపనకల్లు మండలం వి. కొత్తకోటకు చెందిన ఓ వలస కూలీకి కరోనా పాజిటివ్ నమోదవడంతో... ఈ మండలంపై ప్రత్యేక దృష్టి సారించామని ఎస్పీ సత్య ఏసుబాబు తెలిపారు. ముంబయికి వెళ్లిన వలస కూలీలు స్వస్థలాలకు వస్తుండటంతో ఈ సమస్య తలెత్తుతుందని ఆయన అభిప్రాయపడ్డారు. కూలీలు రాకుండా నియంత్రించడానికి ముంబయి పోలీసులతో చర్చలు చేస్తున్నామన్నారు. నిబంధనలు అతిక్రమించి ఎవరైనా వస్తే క్వారంటైన్​కు తరలించడమే కాకుండా క్రిమినల్ కేసులు నమోదు చేస్తామని హెచ్చరించారు. వలస కూలీలను రవాణా చేసే వాహనాలను సీజ్ చేస్తామని పేర్కొన్నారు.

ఇదీచదవండి.