రైతు సంక్షేమం కోసమే కేంద్రం మూడు వ్యవసాయ బిల్లులను ప్రవేశపెట్టిందని భాజపా కిసాన్ మోర్చా రాష్ట్ర అధ్యక్షుడు శశిభూషణ్ రెడ్డి స్పష్టం చేశారు. కొన్ని విపక్ష, ప్రాంతీయ పార్టీలు ఈ బిల్లులను వ్యతిరేకిస్తూ దుర్మార్గంగా వ్యవహరిస్తున్నాయన్నారు. బిల్లులు అమలైతే...రాబోయే రోజుల్లో వ్యవసాయం దేశ ఆర్థిక అభివృద్ధికి తోడ్పడే విధంగా తయారవుతుందన్నారు. ఈ దేశ సౌభాగ్యాన్ని పెంచే పరిస్థితికి వ్యవసాయం వస్తుందన్నారు.
గత 70 ఏళ్లుగా కాంగ్రెస్ పార్టీ రైతులకు స్వేచ్ఛ లేకుండా చేసిందని ఆయన ఆరోపించారు. పార్లమెంటులో చట్టాలకు అనుమతిచ్చిన వైకాపా, తెదేపాలు భారత్బంద్లో పాల్గొని ద్వంద్వ వైఖరిని అవలంబిస్తున్నాయన్నారు. వ్యవసాయ బిల్లులపై జిల్లాలవారీగా పర్యటించి రైతులకు అవగాహన కల్పిస్తున్నామన్నారు. ఈనెల 18న నంద్యాలలో భారీ బహిరంగ సభ ఏర్పాటు చేసి చట్టాలపై ప్రజల్లో చైతన్యం కల్పిస్తామని వెల్లడించారు.
ఇదీచదవండి
