ఒలింపిక్స్లో శనివారం భారత్ మిశ్రమ ఫలితాలను అందుకుంది. అత్యుత్తమంగా వెయిట్ లిఫ్టర్ మీరాబాయి చాను సిల్వర్ మెడల్ అందుకుంది. టోక్యో ఒలింపిక్స్లో భారత్కు తొలి పతకం ఇదే. హాకీ పురుషుల జట్టు, బ్యాడ్మింటన్ మెన్స్ డబుల్స్ టీంలు ముందడుగు వేశాయి.
జులై 24 ఫలితాలు..
షూటింగ్లో నిరాశ..
శనివారం జరిగిన షూటింగ్ పోటీల్లో.. భారత క్రీడాకారులు పూర్తిగా నిరాశపరిచారు.
- తొలుత షూటింగ్ 10 మీటర్ల ఎయిర్ రైఫిల్ క్వాలిఫికేషన్ రౌండ్లో భారత మహిళ షూటర్లు నిరాశపరిచారు. ప్రపంచ నం.1 అయిన ఎలవెనిల్ వలరివన్, అపూర్వి చండేలా.. కనీసం టాప్-8లో నిలవలేకపోయారు.
- 10 మీటర్ల ఎయిర్ పిస్టల్ పురుషుల విభాగంలో భారత్ షూటర్లు సౌరభ్ చౌదరీ, అభిషేక్ వర్మ నిరాశపరిచారు. క్వాలిఫికేషన్స్లో టాప్-8లో సౌరభ్ చౌదరి నిలిచినప్పటికీ, పతకం మాత్రం దక్కించుకోలేకపోయాడు. ఫైనల్లో 7వ స్థానానికి పరిమితమయ్యాడు. మరో షూటర్ అభిషేక్ వర్మ.. క్వాలిఫికేషన్ రౌండ్లో 17వ స్థానంలో నిలిచి, పోటీ నుంచి ముందే నిష్క్రమించాడు.
ఆర్చరీలో ఊరించి..
- ఆర్చరీ మిక్స్డ్ టీమ్ ఈవెంట్లో భారత్ ద్వయం దీపికా కుమారి-ప్రవీణ్ జాదవ్.. చైనీస్ తైపీపై గెలిచి, క్వార్టర్స్కు అర్హత సాధించారు. అందులో దక్షిణకొరియా చేతిలో 6-2 తేడాతో ఓడి, ఇంటిముఖం పట్టారు.
హాకీలో అదుర్స్..
- హాకీ తొలి మ్యాచ్లో భారత్ శుభారంభం చేసింది. న్యూజిలాండ్పై 3-2 తేడాతో విజయం సాధించింది. హర్మన్ప్రీత్ సింగ్ 2, రూపిందర్ సింగ్ గోల్ చేసి, తమ వంతు పాత్ర పోషించారు. ఆదివారం (జులై 25) తర్వాతి మ్యాచ్లో భాగంగా ఆస్ట్రేలియాతో తలపడనుంది.
మిగతా ఈవెంట్లు..
- జుడో 48 కిలోల ఎలిమినేషన్ రౌండ్లో పోటీపడిన మన క్రీడాకారిణి సుశీలా దేవి.. ఎవా సెర్నోవిక్జీ(హంగేరీ) చేతిలో ఓడింది. ఈ విభాగంలో పాల్గొన్న ఒకే ఒక్క ప్లేయర్ సుశీల కావడం వల్ల, ఇందులో భారత్ ప్రయాణ ముగిసినట్లయింది.సుశీలా దేవి జుడో మ్యాచ్
టేబుల్ టెన్నిస్లో మిశ్రమ ఫలితాలు..
- టేబుల్ టెన్నిస్ మిక్స్డ్ డబుల్స్ విభాగంలో భారత జోడీ మనికా బత్రా- శరత్కమల్.. ముందడుగు వేయలేకపోయారు. గ్రూప్ దశలోని తొలి మ్యాచ్లో చైనీస్ తైపీ చేతిలో ఓడి, ఒలింపిక్స్ నుంచి నిష్క్రమించారు.మనికా బత్రా
- టేబుల్ టెన్నిస్ మహిళల సింగిల్స్ తొలి రౌండ్లో మనికా బత్రా విజయం సాధించింది. గ్రేట్ బ్రిటన్ క్రీడాకారిణిపై నాలుగు వరుస గేమ్ల్లో గెలిచింది. 11-7, 11-6, 12-10, 11-9 తేడాతో చిత్తు చేసింది.
- మహిళల సింగిల్స్ మరో మ్యాచ్లో సుతిర్థ ముఖర్జీ.. స్వీడెన్ క్రీడాకారిణిపై గెలిచి తదుపరి రౌండ్కు అర్హత సాధించింది.
బ్యాడ్మింటన్లోనూ మిశ్రమ ఫలితాలే..
- బ్యాడ్మింటన్ పురుషుల సింగిల్స్లో యువ షట్లర్ సాయిప్రణీత్ నిరాశపరిచాడు. ఇజ్రాయెల్కు చెందిన జిల్బర్మన్ చేతిలో 17-21, 15-21 తేడాతో వరుస సెట్లలో ఓడిపోయాడు. తర్వాతి గేమ్లో 29వ ర్యాంక్ షట్లర్ మార్క్తో తలపడనున్నాడు.
- బ్యాడ్మింటన్ డబుల్స్లో పురుషుల జోడీ సాయిరాజ్- చిరాగ్శెట్టి మరో రౌండ్కు అర్హత సాధించారు. ప్రపంచ నం.3 అయిన చైనీస్ తైపీ ద్వయం లీయాంగ్- వాంగ్ చీ లిన్పై 21-16, 16-21, 27-25 సెట్ల తేడాతో విజయం సాధించింది.
టెన్నిస్లో సంచలనం..
- భారత టెన్నిస్ యువ కెరటం సుమిత్ నగాల్ అదరగొట్టాడు. తొలి రౌండ్లో ఉజ్బెకిస్థాన్కు చెందిన డెనిస్ ఇస్తోమిన్పై 6-4, 6-7, 6-4 తేడాతో గెలిచి రెండో రౌండ్కు అర్హత సాధించాడు. తద్వారా.. ఒలింపిక్స్ మెన్స్ సింగిల్స్ ఈవెంట్లో గత 25 ఏళ్లలో గెలిచిన మూడో ఆటగాడిగా నిలిచాడు.
పతాక రెపరెపలు..
- భారత మహిళా వెయిట్లిఫ్టర్ మీరాబాయ్ చాను చరిత్ర సృష్టించింది. 49 కిలోల విభాగంలో రజతం సాధించి, ఈ ఒలింపిక్స్లో దేశానికి తొలి పతకం అందించింది. ఆమెకు ప్రస్తుతం శుభాకాంక్షలు వెల్లువెత్తుతున్నాయి.
బాక్సింగ్..
బాక్సింగ్లో డీలా..
- టోక్యో ఒలింపిక్స్ బాక్సింగ్ పోటీల్లో వికాశ్ కృష్ణన్ డీలాపడ్డాడు. పురుషుల 69 కేజీల విభాగంలో గ్రూప్ దశలోనే ఓడిపోయాడు. వికాశ్పై జపాన్కు చెందిన ఒకజావా గెలుపొందాడు
మహిళల హాకీలో నిరాశ...
- ఒలింపిక్స్లో భాగంగా మహిళల హాకీలో భారత్ శుభారంభం చేయలేకపోయింది. నెథర్లాండ్స్తో జరిగిన పోరులో విఫలమైంది. 1-5తో ఆ జట్టుపై భారత మహిళల జట్టు ఓటమిపాలైంది. మ్యాచ్ ప్రారంభంలో నెథర్లాండ్స్కు గట్టిపోటీనిచ్చిన మహిళ జట్టు.. చివరి 30 నిమిషాల్లో చేతులెత్తేసింది. 1-2తో వెనకంజలో ఉన్నప్పటికీ, స్కోర్లను సమం చేస్తుందనే నమ్మకం అభిమానులకు కలిగింది. కానీ చివరికి 1-5తో ఓడిపోయింది.
ఇవీ చదవండి:
