టీ20 ప్రపంచకప్లో భాగంగా జరిగిన మ్యాచ్లో నమీబియాపై న్యూజిలాండ్ ఘనవిజయం సాధించింది. కివీస్ నిర్దేశించిన 164 పరుగుల లక్ష్యాన్ని ఛేదించడంలో నమీబియా బ్యాటర్లు చేతులెత్తేశారు. ఓపెనర్లు బార్డ్ (21), మైఖేల్ (25) 6 ఓవర్ల వరకు నిలకడగా బ్యాటింగ్ చేసినా.. ఏడో ఓవర్ నుంచి నమీబియా పూర్తిగా చతికిలపడిపోయింది. ఛేదనలో 7 వికెట్లు కోల్పోయి 111 పరుగులు మాత్రమే చేయగలిగింది. దీంతో 52 పరుగుల తేడాతో ఓటమిపాలైంది. కివీస్ బౌలర్లలో సౌతీ, బౌల్ట్ రెండు చొప్పున వికెట్లు తీశారు. శాంట్నర్, నీషమ్, సోధీ తలో వికెట్ పడగొట్టారు. ఈ విజయంతో సెమీస్ రేసులో మరింత ముందుకు వెళ్లింది కివీస్. అఫ్గానిస్థాన్ను వెనక్కు నెట్టి.. 6 పాయింట్లతో పట్టికలో రెండో స్థానానికి చేరుకుంది.
అంతకుముందు టాస్ ఓడి బ్యాటింగ్కు దిగిన కివీస్.. ఆరంభంలో తడబడింది. ఓపెనర్లు గప్తిల్ (18), మిచెల్ (19) పరుగులు రాబట్టడానికి ఇబ్బంది పడ్డారు. కెప్టెన్ కేన్ విలియమ్సన్ (28) ఫర్వాలేదనిపించాడు. అయితే చివరి ఓవర్లలో ఫిలిప్స్ (39), నీషమ్ (35) మెరుపులతో చెప్పుకోదగ్గ స్కోరు చేసింది కివీస్. నమీబియా బౌలర్లలో బెర్నార్డ్, వైస్, జెరార్డ్ తలో వికెట్ తీశారు.
