Chess FIDE World Cup 2023 Final : హోరాహోరీగా జరిగిన ఫిడే ప్రపంచకప్ ఫైనల్స్ మరోసారి డ్రాగా ముగిసింది. దీంతో చెస్ గ్రాండ్ మాస్టర్ ప్రజ్ఞానంద, మాగ్నస్ కార్ల్‌సెలో ఆఖరి విజేత ఎవరు అనే విషయాన్ని గురువారం నిర్ణయించనున్నట్లు అంతర్జాతీయ చెస్ ఫెడరేషన్ వెల్లడించింది. అంతకుముందు మంగళవారం జరిగిన ఫైనల్స్ తొలి మ్యాచ్ కూడా డ్రాగా డిక్లేర్ అవ్వడం వల్ల ఈ ఇద్దరూ రెండో క్లాసికల్ గేమ్లో తలపడ్డారు. ఇక తొలి గేమ్లో బ్లాక్ సైడ్ తలపడ్డ మాగ్నస్.. రెండో గేమ్లో వైట్స్గా బరిలోకి దిగాడు.
అయితే అంతకుముందు జరిగిన సెమీఫైనల్‌ తొలి గేమ్లో భారత్కు చెందిన ప్రజ్ఞానంద, అమెరికాకు చెందిన ఫాబియానో కరువానాతో డ్రా చేసుకున్నాడు. ఈ క్రమంలో రెండవ గేమ్ను కూడా ఫాబియానో కరువానా డ్రా చేసుకోగలిగాడు. అందువల్ల ఫలితాన్ని నిర్ణయించడానికి టై బ్రేకర్‌ను ఆశ్రయించాల్సి వచ్చింది.
Praggnanandhaa FIDE World cup 2023 : ఇక సోమవారం జరిగిన టై బ్రేకర్ గేమ్లో ప్రపంచ నంబర్ 3 చెస్ ప్లేయర్ ఫాబియానో కరువానా.. ప్రజ్ఞానందపై ఒత్తిడి తెచ్చేందుకు ప్రయత్నించాడు. అయినప్పటికీ.. తన నిర్ణయాత్మక ఎత్తుగడలతో ప్రజ్ఞానంద.. గేమ్పై పట్టు సాధించి డ్రాగా తీసుకెళ్లగలిగాడు. అలా 2వ టైబ్రేకర్ గేమ్‌లోనూ ప్రజ్ఞానంద ఫాబియానో కరువానాను గెలవకుండా అడ్డుకున్నాడు. దీంతో మ్యాచ్ 10+10 టైబ్రేక్‌కు వెళ్లింది. ఆ తర్వాత జరిగిన మొదటి ర్యాపిడ్ టైబ్రేక్‌ను ప్రజ్ఞానంద గెలుచుకోవడం ద్వారా ఫాబియానోపై ఒత్తిడి తెచ్చాడు. ఆఖరికి ప్రజ్ఞానంద 3.5-2.5తో ఫాబియానో కరువానాపై అద్భుత విజయం సాధించి ఫైనల్స్కు చేరుకున్నాడు. ఈ విజయంతో 2024 క్యాండిడేట్‌ టోర్నీలో చోటు ఖాయం చేసుకున్న ప్రజ్ఞానంద.. బాబి ఫిషర్‌, కార్ల్‌సన్‌ తర్వాత ఆ పోటీల్లో తలపడే మూడో పిన్న వయస్సు ఆటగాడిగా నిలిచాడు.
Praggnanandhaa Chess Career : ఇక ప్రజ్ఞానంద కెరీర్ విషయానికి వస్తే.. దేశంలోనే అత్యంత ప్రతిభావంతులైన చెస్ ఆటగాడిగా పేరొందిన ప్రజ్ఞానంద.. 10 సంవత్సరాల వయసులోనే అంతర్జాతీయ స్థాయిలో గుర్తింపు పొందాడు. ఇక రెండేళ్లలోనే ప్రజ్ఞానంద గ్రాండ్ మాస్టర్గా రాణించాడు విశ్వనాథన్ ఆనంద్ తర్వాత ప్రపంచకప్ ఫైనల్స్కు చేరిన రెండో భారతీయ ఆటగాడిగా ప్రజ్ఞానంద చరిత్రకెక్కాడు.
