Top Sixes In World Cup History : 2023 వరల్డ్కప్నకు మరో 3 రోజుల సమయం మాత్రమే ఉంది. ఈ మెగాటోర్నీలో జరిగే పోటీలను వీక్షించేందుకు యావత్ ప్రపంచంలోని క్రికెట్ ఫ్యాన్స్ ఆత్రుతగా ఎదురుచూస్తున్నారు. ఇక అక్టోబర్ 5న ప్రారంభమయ్యే ఈ ప్రతిష్ఠాత్మక టోర్నీకి నవంబర్ 17న తెరపడనుంది. విశ్వకప్ను గెలుచుకునేందుకు పది జట్లు పోటీలో ఉండనున్నాయి. అయితే ఆయా జట్ల ఆటగాళ్లు వరల్డ్కప్లో రాణించి తమ సత్తా చాటాలనుకుంటారు. ఈ క్రమంలో కొందరు ప్లేయర్లు సిక్సర్ల వర్షం కురిపించి.. తమతమ జట్లకు ఘన విజయాన్ని కట్టబెట్టారు. మరి ప్రపంచకప్ హిస్టరీలో అత్యధిక సిక్స్లు బాదిన టాప్-5 హిట్టర్లు ఎవరో తెలుసుకుందాం.
- క్రిస్ గేల్: భీకరమైన ఆట తీరుతో యూనివర్సల్ బాస్గా పేరొందాడు వెస్టిండీస్ బ్యాట్స్‌మెన్ క్రిస్ గేల్. ఫార్మాట్ ఏదైనా తన స్టైల్లో బ్యాటింగ్ చేస్తూ.. ప్రత్యర్థి బౌలర్లకు చుక్కలు చూపిస్తాడు. అలాగే తన కెరీర్లో 2003 నుంచి 2019 ప్రపంచకప్ ఆయా ఎడిషన్లలో 45 మ్యాచ్లు ఆడాడు. ఇందులో గేల్ 49 సిక్సర్లు బాది.. ఈ లిస్ట్లో టాప్ ప్లేస్లో ఉన్నాడు. ఇక 34 ఇన్నింగ్స్లో గేల్ 1186 పరుగులు చేశాడు.
- ఏబీ డివిలియర్స్ : సౌతాఫ్రికా మాజీ బ్యాటర్ ఏబీ డివిలియర్స్.. 37 సిక్సర్లతో ఈ జాబితాలో రెండో స్థానంలో ఉన్నాడు. డివిలియర్స్.. 2007 నుంచి 2015 వరకు 23 మ్యాచ్ల్లో 117 స్ట్రైక్ రేట్‌తో 1207 పరుగులు చేశాడు.
- రికీ పాంటింగ్ : ఆస్ట్రేలియా మాజీ ప్లేయర్ రికీ పాంటింగ్.. మోస్ట్ సక్సెస్ఫుల్ కెప్టెన్గా పేరొందాడు. కెప్టెన్గానే కాకుండా బ్యాటర్గానూ జట్టకు అనేక విజయాలు కట్టబెట్టాడు. ఈ క్రమంలో పాంటింగ్ వరల్డ్ కప్ హిస్టరీలో 31 సిక్సర్లు బాది.. ఈ లిస్ట్లో ముడో ప్లేస్లో కొనసాగుతున్నాడు. ఇక అత్యధికంగా 1996 నుంచి 2011 వరకూ 5 వరల్డ్కప్ ఎడిషన్లలో ఆసీస్కు ప్రాతినిధ్యం వహించిన పాటింగ్.. 79.95 స్ట్రైక్ రేట్‌తో 1743 పరుగులు చేశాడు.
- బ్రెండన్ మెకల్లమ్.. న్యూజిలాండ్ మాజీ బ్యాటర్ బ్రెండన్ మెకల్లమ్ ప్రపంచకప్ చరిత్రలో 29 సిక్సర్లు బాదాడు. దీంతో టాప్ 5లో నాలుగో స్థానంలో ఉన్నాడు. 2003 నుంచి 2015 వరకూ ప్రపంచకప్ల్లో 34 మ్యాచ్లు ఆడిన మెకల్లమ్.. 120.84 రన్ రేట్‌తో 742 పరుగులు చేశాడు
- హర్షల్ గిబ్స్ : దక్షిణాఫ్రికా మాజీ ఓపెనింగ్ బ్యాటర్ హర్షల్ గిబ్స్ మెగాటోర్నీలో 28 సిక్సర్లు సంధించాడు. ఈ క్రమంలో గిబ్స్.. ఐదో స్థానంలో కొనసాగుతున్నాడు. ఇక 1999 నుంచి 2007 మధ్య ప్రపంచకప్లో 24 మ్యాచ్లు ఆడిన గిబ్స్.. 1067 పరుగులు చేశాడు.
ODI World Cup 2023 England Team : ఫేవరెట్గా డిఫెండింగ్ ఛాంపియన్.. అదొక్కటే మైనస్
