T20 World Cup 2022: ఎన్నోరోజులుగా ఎదురుచూస్తున్న మెగా టోర్నీ ఐసీసీ ప్రపంచ కప్ 2022.. ఆస్ట్రేలియా వేదికగా ప్రారంభమైంది. ఇప్పటివరకు జరిగిన వరల్డ్ కప్ల్లో ఇదే అతిపెద్ద వరల్డ్ కప్గా అవతరించనుంది. ఎందుకంటే ఇందులో 16 జట్లు ఆస్ట్రేలియా వేదికగా 45 మ్యాచులు ఆడనున్నాయి.
ఈ మ్యాచ్ ఏ ఛానల్/ఆన్లైన్ ప్లాట్ఫాంలో ప్రసారమౌతాయి?
ఐసీసీ వరల్డ్ కప్ టీవీ ప్రసారం, ఆన్లైన్ స్ట్రీమింగ్ హక్కులను స్టార్ నెట్వర్క్ దక్కించుకుంది. దీంతో పాటు స్కై స్పోర్ట్స్, ఫాక్స్ స్పోర్ట్స్, ఈఎస్పీఎన్, పీటీవీ, టైమ్స్ ఇంటర్నెట్ ప్లాట్ఫాంలలో ప్రసారమౌతాయి. అయితే వీటితో పాటు భారత్, నేపాల్, భుటాన్, శ్రీలంక, మల్దీవుల్లో టీవీ ప్రసార హక్కులను స్టార్ నెట్వర్క్ దక్కించుకుంది. ఇక ఈ మెగా టోర్నో లైవ్ స్ట్రీమింగ్ సేవలను భారత్లో డిస్నీ+ హాట్ స్టార్ సంస్థలు అందిస్తున్నాయి.
వరల్డ్ కప్ మ్యాచ్లు రిజర్వ్ డేలు..
వర్షం కారణంగా.. ఇంకా ఏ ఇతర కారణాల వల్ల మ్యాచ్ ఆగిపోయినప్పుడు రిజర్వ్ డేలో ఆ మ్యాచ్ జరుగుతుంది. అయితే గ్రూప్ స్టేజ్లో, సూపర్ 12 స్టేజ్లో మ్యాచ్ ఫలితాన్ని నిర్ణయించడానికి రెండు జట్లకు కనీసం 5 ఓవర్లైనా లేకపోతే.. ఆ జట్లకు చెరొక పాయింట్ కేటాయిస్తారు. అయితే నాకౌట్ దశ మ్యాచ్లకు ఈ షరతులతో రిజర్వ్ డే ఉంటుంది.
- సెమీ ఫైనల్స్, ఫైనల్ మ్యాచ్లను కచ్చితంగా షెడ్యూల్ ప్రకారం పూర్తి చేసేందుకు ప్రయత్నిస్తారు. అవసరమైతే ఓవర్లను కుదిస్తారు.
- అయితే మ్యాచ్కు అంతరాయం ఏర్పడిన రోజు.. మ్యాచ్ నిర్ణయించడానికి రెండు జట్లు కనీసం 5 ఓవర్లైనా ఆడాలి. అలా ఆడేందుకు వీలు లేకపోతే రిజర్వ్డేలో ఆ మ్యాచ్ నిర్వహిస్తారు.
- ఒకవేళ షెడ్యూల్ రోజున మ్యాచ్ జరిగేటప్పుడు అంతరాయం ఏర్పడితే.. ఓవర్లు కుదించి మ్యాచ్ ఆడిస్తారు. అయినా ఆడడానికి వీలు లేకుంటే.. మ్యాచ్ ఎక్కడ ఆగిందో అక్కడి నుంచి రిజర్వ్ డే నాడు మ్యాచ్ మళ్లీ మొదలౌతుంది.
ఇవీ చదవండి: న్యూ ట్రెండీ ఔట్ఫిట్లో అదరగొడుతున్న బాలీవుడ్ బ్యూటీలు
