Surya T20 rankings: టీమ్ఇండియా మిస్టర్ 360 సూర్యకుమార్ యాదవ్.. వెస్టిండీస్తో జరిగిన మూడో టీ20తో పాటు ఐసీసీ ర్యాంకుల్లోనూ అదరగొట్టేశాడు. ఇక అతడి నెక్ట్స్ టార్గెట్ బాబార్ అజామ్ స్థానానికి ఎసరు పెట్టడమే. ఎందుకంటే తాజాగా విడుదల చేసిన ఐసీసీ టీ20 ర్యాంకింగ్స్లో సూర్య రెండో స్థానానికి చేరుకున్నాడు. రెండు స్థానాలు ఎగబాకి 2వ ర్యాంకులో నిలిచాడు. ప్రపంచ నంబర్ వన్ బాబర్ అజామ్ నుంచి అతను కేవలం 2 పాయింట్ల దూరంలో ఉండటం విశేషం. మూడో టీ20లో సూర్య.. 44 బంతుల్లోనే 76 పరుగులు చేశాడు. ఇందులో 8 ఫోర్లు, 4 సిక్సర్లు ఉన్నాయి. ఈ అద్భుత ఇన్నింగ్స్ ఆడటం వల్ల అతడు ఐసీసీ ర్యాంకింగ్స్లో ఈ ఘనత సాధించినట్లైంది.
ఇక వెస్టిండీస్తో జరుగుతున్న టీ20 సిరీస్‌లో సూర్య ఇదే ఊపు కొనసాగిస్తే.. నంబర్ వన్ ర్యాంక్ సాధించడం పెద్ద కష్టమేమి కాదు. ఈ ఘనత సాధిస్తే.. ఐసీసీ పురుషుల క్రికెట్ ర్యాంకింగ్స్లో విరాట్ కోహ్లీ తర్వాత ఈ అగ్ర పీఠాన్ని అధిరోహించబోయేది ఇతడే అవుతాడు! ఇంకా తాజాగా విడుదల చేసిన ఈ జాబితాలో పాకిస్థాన్కు చెందిన మహ్మద్ రిజ్వాన్ 794 పాయింట్లతో 3వ స్థానంలో ఉండగా, సౌతాఫ్రికా బ్యాటర్ మర్క్రమ్ నాలుగో స్థానంలో నిలిచాడు. ఈ లిస్ట్లో సూర్య మినహా మిగిలిన ఏ భారత బ్యాటర్ కూడా టాప్-10లో లేరు. సూర్య తర్వాత ఇషాన్ కిషన్ 14వ స్థానంలో ఉండగా.. రోహిత్ శర్మ 16వ స్థానంలో కొనసాగుతున్నారు.
టీ20లో బౌలర్ల ర్యాంకింగ్ విషయానికొస్తే.. ఆస్ట్రేలియా బౌలర్ జోష్ హెజిల్వుడ్ 792 పాయింట్లతో అగ్రస్థానంలో కొనసాగుతుండగా.. దక్షిణాఫ్రికా స్పిన్నర్ షంషీ, రషీద్ ఖాన్, అదిల్ రషీద్, అకీల్ హాసిన్, వనిందు హసరంగలు ఉన్నారు. వీరిలో హెజిల్వుడ్ మినహా మిగిలినవారంతా స్పిన్నర్లే కావడం విశేషం.
ఇదీ చూడండి: Commonwealth games: 'మా విజయం.. వారిలో మరింత విశ్వాసాన్ని నింపుతుంది'
