Rahul Dravid World Cup 2023 : 'మేం చేయగలిగింది అంతవరకే.. కోచ్​లు గ్రౌండ్​లోకి దిగలేరు కదా!'

Rahul Dravid World Cup 2023 : 2023 వరల్డ్​కప్​లో అక్టోబర్ 8న భారత్.. తొలి మ్యాచ్ ఆడనుంది. ఇందుకు టీమ్ఇండియా ఆటగాళ్లందరూ చెన్నై స్టేడియంలో ప్రాక్టీస్ ప్రారంభించేశారు. ఈ క్రమంలో భారత్ కోచ్ రాహుల్ ద్రవిడ్.. ప్రెస్​మీట్​లో కొన్ని ఆసక్తికర కామెంట్లు చేశారు.​

Rahul Dravid World Cup 2023 : 2023 వన్డే ప్రపంచకప్ ప్రారంభమై మూడు రోజులు గడుస్తున్నా.. టోర్నమెంట్ మజా ఇంకా మొదలవ్వలేదనే చెప్పాలి. ప్రస్తుతం అందరి నిరీక్షణ భారత్-ఆస్ట్రేలియా మ్యాచ్​ కోసమే. ఈ రెండు జట్లూ విశ్వకప్​లో హాట్​ఫేవరెట్​గా బరిలోకి దిగనుండడమే ఇందుకు ప్రధాన కారణం. ఇక ఇరుజట్లు అక్టోబర్ 8న చెన్నై వేదికగా తలపడనున్నాయి. ఈ క్రమంలో టీమ్ఇండియా ప్రధాన కోచ్ రాహుల్ ద్రవిడ్.. మీడియాతో మాట్లాడారు. మరి ఆయన ఏమన్నారంటే?

"నిజంగా చెప్పాలంటే, ఒకసారి మ్యాచ్ ప్రారంభమయ్యాక.. జట్టును నడిపించాల్సింది కెప్టెనే. మైదానంలో వ్యూహాలు రచించి, అమలు చేయాల్సింది నాయకుడే. అయితే కోచ్​లుగా మేము జట్టును.. పోటీకు సన్నద్ధం చేయడం వరకే మా పాత్ర ఉంటుంది. కోచ్​లుగా మేము ఒక్క పరుగు చేయము, ఒక్క వికెట్ పడగొట్టము. మేము చేసేదల్లా ఆటగాళ్లకు మద్ధతివ్వడమే" అని ద్రవిడ్ అన్నారు. ఇక కెప్టెన్ రోహిత్ శర్మ, వ్యూహాలకు మద్ధతిస్తూ.. జట్టు అద్భుతంగా ఆడేందుకు కృషి చేస్తానని ద్రవిడ్ అన్నారు. అలాగే న్యూజిలాండ్ ప్లేయర్ రచిన్ రవీంద్ర.. గురువారం ఇంగ్లాండ్​పై ఆడిన ఇన్నింగ్స్​ను కొనియాడారు. కివీస్​కు ఈ టోర్నీలో మంచి ఆరంభం లభించిందని అన్నారు.

ఇప్పుడు ఆ సమస్య లేదు.. టీమ్ఇండియా మాజీ పేసర్ పంకజ్ సింగ్.. ఈసారి భారత్ విశ్వకప్ విజేతగా నిలుస్తుందని ధీమా వ్యక్తం చేశాడు. 2019లో పోలిస్తే.. ఇప్పుడు జట్టులో బ్యాటింగ్ విభాగం పటిష్ఠంగా ఉందన్నాడు. అప్పుడు మిడిలార్డర్​లో టీమ్ఇండియా సమస్యలు ఎదుర్కుందని గుర్తుచేసిన పంకజ్.. ఇప్పుడు ఆస్థానాన్ని భర్తీ చేయడానికి కేఎల్ రాహుల్, శ్రేయస్ అయ్యర్ ఉన్నారన్నాడు. అలాగే జట్టులో నాణ్యమైన ప్లేయర్లకు కొదువలేదని తెలిపాడు. బ్యాటింగ్​లో రోహిత్​, విరాట్, రాహుల్, అయ్యర్ ఉండగా.. జట్టుకు అవసరమైనప్పుడు తుఫాన్ ఇన్నింగ్స్​ ఆడేందుకు సూర్యకుమార్ ఉన్నాడని అన్నాడు. ఇక హార్దిక్ పాండ్య, రవీంద్ర జడేజా లాంటి ఆల్​రౌండర్లు, సిరాజ్, షమీ, బుమ్రాతో బౌలింగ్ విభాగం కూడా భీకరంగా ఉందని పంకజ్ పేర్కొన్నాడు.

ఇషాన్​కు ఛాన్స్​! టీమ్ఇండియా బ్యాటర్ శుభ్​మన్ గిల్​.. ఆరోగ్య పరిస్థితి కారణంగా ఆసీస్​తో మ్యాచ్​కు అందుబాటులో ఉండకపోవచ్చు. దీంతో అతడి స్థానంలో ఇషాన్​ కిషన్​కు జట్టులో చోటు లభించే అవకాశం ఉన్నట్లు తెలుస్తోంది. ఈ క్రమంలో అతడు చెన్నై చిదంబరం స్టేడియంలో ప్రాక్టీస్ సెషన్​లో చాలాసేపు కసరత్తు చేశాడు.

అయితే టీమ్ మేనేజ్​మెంట్ లెఫ్ట్ రైట్ కాంబినేషన్​తో ఇన్నింగ్స్​ను ప్రారంభించాలని భావిస్తే.. రోహిత్​తో ఇషాన్ జతకట్టవచ్చు. ఇషాన్​కు కూడా గతంలో వన్డే, టీ20ల్లో ఇన్నింగ్స్​ను ప్రారభించిన అనుభవం ఉండడం.. వికెట్ కీపింగ్ చేయగలగడం కలిసొచ్చే అంశం. అతడు వన్డేల్లో ఒక డబుల్ సెంచరీ సైతం బాదాడు. అయితే గిల్​ గైర్హాజరీలో ఇషాన్ ఎంతవరకూ సత్తా చాటుతాడో చూడాలి.

• The countdown has begun! ⏳
  
  Only 3⃣ days to go now for #TeamIndia's opening fixture of #CWC23 🙌 pic.twitter.com/t6seGym4jb

  — BCCI (@BCCI) October 5, 2023 " class="align-text-top noRightClick twitterSection" data="

  The countdown has begun! ⏳
  
  Only 3⃣ days to go now for #TeamIndia's opening fixture of #CWC23 🙌 pic.twitter.com/t6seGym4jb

  — BCCI (@BCCI) October 5, 2023

  ">

  The countdown has begun! ⏳
  
  Only 3⃣ days to go now for #TeamIndia's opening fixture of #CWC23 🙌 pic.twitter.com/t6seGym4jb

  — BCCI (@BCCI) October 5, 2023