Madanlal on Rishabh Pant: దక్షిణాఫ్రికాతో రెండో టెస్టులో టీమ్ఇండియా వికెట్కీపర్ రిషభ్ పంత్ పేలవ ప్రదర్శనపై విమర్శలు వస్తున్నాయి. జోహన్నెస్బర్గ్ వేదికగా జరిగిన రెండో ఇన్నింగ్స్లో పంత్ భారీ షాట్ ఆడేందుకు ప్రయత్నించి కీపర్కు చిక్కాడు. ఆ షాట్ ఎంపిక తప్పని మాజీలు ఆగ్రహం వ్యక్తం చేస్తున్నారు. ఈ అంశంపై టీమ్ఇండియా మాజీ ఆటగాడు మదన్లాల్ స్పందించాడు.
"పంత్కు కొన్ని రోజులు విరామం ఇవ్వాలి. టీమ్లో మెరుగైన ఆటగాడు వృద్ధిమాన్ సాహా ఉన్నాడు. అతడు మంచి వికెట్ కీపర్ కూడా. టెస్టు క్రికెట్లో ఎలా బ్యాటింగ్ చేయాలో పంత్కు ఇంకా అర్థం కాలేదేమో?. ఒకవేళ ఈ సందేహం అతడికి ఉంటే.. కొన్ని రోజులు విశ్రాంతి ఇవ్వడం మంచింది. అతడు మ్యాచ్ విన్నింగ్ ప్లేయరే.. కానీ, ఇలా బ్యాటింగ్ చేస్తే కాదు. అతడు జట్టు కోసం ఆడాలి, స్వప్రయోజనాల కోసం కాదు."
- మదన్లాల్, మాజీ క్రికెటర్.
కాగా, రెండో టెస్టులో టీమ్ఇండియాపై విజయం సాధించి మూడు మ్యాచ్ల సిరీస్ను 1-1గా సమం చేసింది దక్షిణాఫ్రికా. చివరి టెస్టు కేప్టౌన్ వేదికగా జనవరి 11న ప్రారంభంకానుంది.
ఇదీ చదవండి:
