ఐపీఎల్-2023లో అత్యధిక ధర పలికిన ఆటగాళ్లలో పంజాబ్ కింగ్స్ ఆల్‌రౌండర్‌ సామ్ కరన్ ఒకడు. అతడిపై నమ్మకంతో 18.5 కోట్లు వెచ్చించి మరి కొనుగోలు చేసింది. ఈ ఐపీఎల్ తాజా సీజన్లో ఇతర ఖరీదైన ప్లేయర్స్తో పోలీస్తే అతడే కాస్త మంచిగా రాణిస్తున్నాడు. తన కోసం వెచ్చించిన డబ్బులకు న్యాయం చేస్తున్నట్లు కనిపిస్తున్నాడు. ఇప్పటివరకు అతడు ఆడిన రెండు మ్యాచ్‌ల్లోనూ పర్వాలేదనిపించే ప్రదర్శన చేస్తూ ఆకట్టుకోవడానికి ప్రయత్నిస్తున్నాడు.
కాగా, ప్రస్తుత ఐపీఎల్ సీజన్లో సామ్ కరన్ తర్వాత పలువురు ప్లేయర్స్ కూడా అత్యంత ధరకు అమ్ముడుపోయారు. వారిలో కామెరూన్‌ గ్రీన్ము ముంబయి ఇండియన్స్ రూ17.5 కోట్లకు కొనుగోలు చేయగా.. కేఎల్‌ రాహుల్ను లఖ్నవూ సూపర్ జెయింట్స్ రూ.17 కోట్లకు దక్కించుకుంది. ఇక బెన్‌ స్టోక్స్ను చెన్నై సూపర్ కింగ్స్ రూ.16.25 కోట్లకు సొంతం చేసుకుంది. అయితే వారు అభిమానుల అంచనాలకు తగ్గట్టుగా రాణించలేపోతున్నారు. పేలవ ప్రదర్శనతో విఫలమవుతున్నారు. సామ్ కరన్ ఓకడే పర్వాలేదనిపిస్తున్నాడు.
అతడు కోల్కతా నైట్ రైడర్స్తో జరిగిన తమ తొలి మ్యాచ్లో 17 బంతుల్లో 26 అజేయ పరుగులు చేశాడు. ఇందులో రెండు సిక్సర్లు ఉన్నాయి. ఇక బంతితో (1/38) చేశాడు. అలా ఆ మ్యాచ్లో ఓ మోస్తరుగా రాణించిన అతడు.. ఏప్రిల్ 5న రాజస్థాన్ రాయల్స్‌తో ఉత్కంఠగా సాగిన మ్యాచ్లో బాగానే రాణించాడు. ఆఖరి ఓవర్లో విజయానికి రాజస్థాన్‌కు 16 పరుగులు అవసరం కాగా.. అద్భతుంగా బౌలింగ్ చేసి తొలి మూడు బంతుల్లో 4 పరుగులే ఇచ్చాడు. అలా ఈ చివరి ఓవర్లో 16 పరుగులకు డిఫెండ్‌ చేసి తన జట్టు విజయంలో కీలకంగా వ్యవహరించాడు. దీంతో నెటిజన్లు అతడిని ప్రశంసిస్తున్నారు. పంజాబ్ పెట్టిన నమ్మకానికి, సొమ్ముకు న్యాయం చేస్తున్నాడని కామెంట్లు చేస్తూ అతడిని ట్రెండ్ చేస్తున్నారు. అద్భుతంగా బౌలింగ్ చేశాడని ప్రశంసిస్తున్నారు. అతడు ఇదే జోరును కొనసాగిస్తే.. పంజాబ్ కింగ్స్ ఈ సారైనా టైటిల్‌ కలను నెరవేర్చుకుంటుందని అంటున్నారు.
ఇకపోతే మొత్తంగా రసవత్తరంగా సాగిన ఈ మ్యాచ్లో పంజాబ్ కింగ్స్-రాజస్థాన్ రాయల్స్ నువ్వా-నేనా అన్నట్లుగా పోటీపడి మరీ ఆడాడయి. గువాహటి వేదికగా జరిగిన మ్యాచ్లో చివరికి 5 పరుగుల తేడాతో విజయం సాధించింది. ప్రస్తుత సీజన్లో వరుసగా రెండో విజయాన్ని తన ఖాతాలో వేసుకుంది. బ్యాటింగ్‌లో సారథి ధావన్‌, ప్రభ్‌సిమ్రన్‌ సింగ్‌ మెరుపులు మెరిపించగా.. బంతితో నాథన్‌ ఎలిస్‌, అర్ష్‌దీప్‌ చెలరేగిపోయారు. లక్ష్య ఛేధనలో రాజస్థాన్ గట్టిగా ప్రయత్నించినప్పటికీ ఓటమి తప్పలేదు.
ఇదీ చూడండి: ధావన్‌, ప్రభ్‌సిమ్రన్‌ సింగ్‌ మెరుపులు.. బౌలింగ్‌లో నాథన్‌ ఎలిస్‌, అర్ష్‌దీప్‌.. ఫొటోస్ చూశారా?
