దిల్లీ క్యాపిటల్స్.. ఐపీఎల్ ప్రారంభంలో వరుసగా రెండేళ్లు ప్లేఆఫ్స్ చేరి అందరి దృష్టినీ ఆకర్షించింది. కానీ ఆ తర్వాత సీజన్లలో అస్థిర ప్రదర్శనతో వెనకబడిపోయింది. మళ్లీ 2012లో ప్లేఆఫ్స్ చేరిన జట్టు తర్వాత ఆరేళ్లు అసలు టాప్-5లోనే కనిపించలేదు. దీంతో వాళ్ల పనైపోయిందనుకున్నారు. గతేడాది దిల్లీ డేర్డెవిల్స్ పేరును దిల్లీ క్యాపిటల్స్గా మార్చుకుని మరోసారి సత్తాచాటి, మూడో స్థానంతో సరిపెట్టుకుంది. శ్రేయస్ నాయకత్వంలో ఇప్పుడు తొలిసారి ఫైనల్లో అడుగుపెట్టింది. మంగళవారం జరిగే తుదిపోరులో డిఫెండింగ్ ఛాంపియన్ ముంబయితో అమీతుమీ తేల్చుకోనుంది.
దిల్లీ వైపే అదృష్టం!
ఐపీఎల్ జరిగిన ప్రతి లీపు సంవత్సరంలో కొత్త ఛాంపియన్ రావడం విశేషం.
2008 - రాజస్థాన్ రాయల్స్
2012 - కోల్కతా నైట్రైడర్స్
2016 - సన్రైజర్స్ హైదరాబాద్
2020.. ఇదీ లీపు సంవత్సరం కావడం వల్ల ఈసారి దిల్లీ కొత్త ఛాంపియన్గా అవతరిస్తుందని పలువురు అభిప్రాయపడుతున్నారు. ఒకవేళ ఈ మ్యాచ్లో గెలిస్తే అత్యంత తక్కువ వయసులో టైటిల్ గెలిచిన కెప్టెన్గా రికార్డు సృష్టిస్తాడు శ్రేయస్ అయ్యర్.
నాకౌట్ స్టేజ్లో దిల్లీ ప్రదర్శన
ఆడిన మ్యాచ్లు - 8
గెలిచినవి - 2
ఓడినవి -6
నాకౌట్ బ్యాటింగ్ తీరు
అత్యధిక పరుగులు - 189/3 (ఈ ఏడాది హైదరాబాద్తో క్వాలిఫయర్-2 మ్యాచ్లో)
అత్యల్ప స్కోర్- 87 (2008 సెమీఫైనల్-1లో రాజస్థాన్ రాయల్స్పై)
అత్యధిక వ్యక్తిగత స్కోరు - 78* (శిఖర్ ధావన్- ఈ ఏడాది క్వాలిఫయర్లో సన్రైజర్స్పై)
ఎక్కువ పరుగులు - శిఖర్ ధావన్ (5 ఇన్నింగ్స్ల్లో 118)
అత్యధిక సిక్సులు - 6 (పంత్)
అత్యధిక డకౌట్లు - 13
నాకౌట్ బౌలింగ్ తీరు
అత్యధిక వికెట్లు - 4 మ్యాచ్ల్లో 7 (అమిత్ మిశ్రా)
ఇన్నింగ్స్లో ఎక్కువ వికెట్లు - 4 (రబాడ, ఈ ఏడాది క్వాలిఫయర్-2లో హైదరాబాద్పై)
