అంతర్జాతీయ క్రికెట్ కౌన్సిల్ బుధవారం(అక్టోబర్ 27) టీ20 ర్యాంకింగ్స్ను(ICC T20 Rankings 2021) ప్రకటించింది. ఇందులో టీమ్ఇండియా సారథి విరాట్ కోహ్లీ(Virat Kohli News) మరో ర్యాంకు కిందకు పడిపోయి ఐదో స్థానంలో నిలవగా.. ఓపెనర్ కేఎల్ రాహుల్ కూడా రెండు స్థానాలు దిగజారి 8వ ర్యాంకులో ఉన్నాడు.
దక్షిణాఫ్రికా బ్యాటర్ మర్క్రమ్, పాకిస్థాన్ ఓపెనర్ మహ్మద్ రిజ్వాన్ కెరీర్ బెస్ట్ ర్యాంకింగ్స్ను దక్కించుకున్నారు. టీ20 ప్రపంచకప్లో భాగంగా ఇటీవలే ఆస్ట్రేలియా, వెస్టిండీస్తో జరిగిన మ్యాచ్ల్లో మంచి ప్రదర్శన చేసిన మర్క్రమ్ 8 మందిని వెనక్కి నెట్టి మూడో ర్యాంకుకు చేరుకున్నాడు. కాగా, టీమ్ఇండియా, న్యూజిలాండ్తో జరిగిన మ్యాచ్ల్లో బాగా ఆడి నాలుగో స్థానంలో నిలిచాడు రిజ్వాన్.
ఇంగ్లాండ్ ఆటగాడు డెవిడ్ మలన్(831 పాయింట్లు), పాకిస్థాన్ కెప్టెన్ బాబర్ అజామ్(820)(Babar Azam ICC Ranking T20) పాయింట్లతో తొలి రెండు స్థానాల్లో ఉన్నారు.
బౌలర్లలో..
టీ20 ప్రపంచకప్లో భాగంగా టీమ్ఇండియాపై అద్భుతంగా ఆడిన షహీన్ అఫ్రిది 11 స్థానాలను ఎగబాకి 12వ ర్యాంకుకు చేరుకున్నాడు. మరో పాక్ ఆటగాడు హ్యారిస్ రౌఫ్ కెరీర్ బెస్ట్ 17వ స్థానం దక్కించుకున్నాడు. దక్షిణాఫ్రికా బౌలర్ షమ్సీ(750 పాయింట్లతో) మొదటి స్థానంలో ఉన్నాడు. ఆల్రౌండర్ల జాబితాలో బంగ్లాదేశ్ ఆటగాడు షకిబ్ అల్ హసన్ అగ్రస్థానంలో కొనసాగుతున్నాడు.
ఇదీ చదవండి:
