ఫ్యాన్స్​ లేకపోతే వీరి జోరుకు బ్రేక్ పడుతుందా?

కొందరు క్రికెటర్లు అభిమానులను చూస్తే మరింత రెచ్చిపోయి ఆడుతుంటారు. అలాంటిది ఈసారి కరోనా వల్ల ఖాళీ మైదానాల్లో మ్యాచ్​లు నిర్వహించనుండటం వల్ల వీరు జోరుకు ఏమైనా బ్రేక్​ పడుతుందా? లేదా అనేది ఇప్పుడు అందరికీ వస్తున్న ప్రశ్న.

అభిమానుల కోలాహలం, కేరింతలు, ఈలలు, గోల మధ్య ఐపీఎల్​ జరుగుతుంటే ఆ కిక్కే వేరు. ఆటగాళ్లకు కూడా ప్రేక్షకుల మధ్య ఆడుతుంటే అంతే మజాగా ఉంటుంది. అలుపు లేకుండా బాదడం.. టెక్నిక్‌తో బౌలింగ్ వేసి వికెట్లు పడగొడ్డటం లాంటివి కనిపిస్తుంటాయి. ఈ సీజన్​ మాత్రం కరోనా ప్రభావంతో.. ఉక్కబోత ప్రాంతమైన యూఏఈలో, ప్రేక్షకులు లేని స్టేడియాల్లో జరగనుంది. ఎగిరి గంతులేస్తూ హంగామా చేసే ఫ్యాన్స్​ ఉండరు. నియమాలు కూడా కాస్త ఎక్కువే. ఆటగాళ్లకు వీరు లేకుండా ఆడటం కొత్తే.

మరి ఈ ప్రభావం సదరు క్రికెటర్లపై ఉండనుందా? ఇంతకముందులా ఉత్సాహంతో ఆడతారా? బ్యాట్స్​మన్​, బౌలర్ల మధ్య ఆధిపత్య పోరు రసవత్తరంగా సాగుతుందా? లాంటి ప్రశ్నలు క్రీడాభిమానల్లో మదిలో రేకెత్తుతున్నాయి. పలువురు క్రికెటర్లు ఇంతకముందులా జోరు చూపించగలరా?

విరాట్ కోహ్లీ

టీమ్​ఇండియా సారథి విరాట్​ కోహ్లీ.. ఐపీఎల్​ ఆరంభం నుంచి బెంగళూరుకు సారథ్యం వహిస్తున్నాడు. ప్రత్యర్థి లేదా సహచర ఆటగాళ్లు కవ్వింపు చర్యలకు పాల్పడితే మైదానంలో ఎలా రెచ్చిపోతాడో ప్రత్యేకంగా చెప్పనక్కర్లేదు. అభిమానుల కేరింతలు, ఈలలకు మరింతగా విజృంభిస్తాడు. అలాంటిది ఈ సారి ప్రేక్షకులు లేని స్టేడియంలో ఎలా ఆడతాడనేది ఆసక్తికరం.

కోహ్లీ

ఏబీ డివిలియర్స్​

దక్షిణాఫ్రికా మాజీ స్టార్ క్రికెటర్ ఏబీ డివిలియర్స్(ఆర్సీబీ).. క్రికెట్​తో పాటు గాయకుడు, స్విమ్మర్​, జాతీయ స్థాయి రగ్బీ ఆటగాడు. తన ప్రశాంత స్వభావంతో అన్ని రంగాల్లోనూ ప్రత్యేక గుర్తింపు తెచ్చుకున్నాడు. 2018లో రిటైర్మెంట్​ ప్రకటించినా సరే మైదానంలో దిగితే బౌలర్లపై చెలరేగిపోతాడు. ఇతడు బంతిని బాదిన ప్రతిసారి స్టాండ్స్​లో అభిమానులు ఊగిపోతుంటారు. మరి ఈసారి వాళ్లు లేని సవాల్​ను ఏబీ ఎలా స్వీకరిస్తాడో చూడాలి.

ఏబీ డివీలియర్స్​

క్రిస్​గేల్​

వెస్డిండీస్​ విధ్వంసకర బ్యాట్స్​మన్​ క్రిస్​గేల్​ (కింగ్స్​ ఎలెవన్​ పంజాబ్​) గురించి ప్రత్యేకంగా చెప్పనక్కర్లేదు. బాల్​ను కొడితే అది స్టాండ్స్​లో పడటం పక్కా. ఇతడి ఆట కోసం అభిమానులు ఎంతగానో ఎదురుచూస్తుంటారు. బరిలో దిగాడంటే ఫ్యాన్స్​ గోలతో మైదానం దద్దిరిల్లిపోతుంటుంది. అలాంటిది ఈసారి ఎలా ఆడతాడో చూడాలి.

క్రిస్​ గేల్​

డ్వేన్​ బ్రావో

డ్రేన్​ బ్రావో.. గత కొన్ని సీజన్ల నుంచి చెన్నై సూపర్​కింగ్స్ విజయాల్లో కీలకపాత్ర పోషించాడు. అభిమానుల చూస్తే చాలు ఆకాశమే హద్దుగా చెలరేగిపోతుంటాడు. మరి ఇప్పుడు వీక్షకులు ఉండరు. దీంతో అతడి జోరు తగ్గుతుందా? అలానే కొనసాగిస్తాడా అనేది చూడాలి.

డ్రేన్​ బ్రావో

ఇమ్రాన్​ తాహిర్​

వికెట్​ తీస్తే చాలు ఆ ఆనందంతో మైదానంమంతా పరుగెత్తుతాడు ఇమ్రాన్ తాహిర్. అభిమానుల అరుపులను, కేరింతలను బాగా ఆస్వాదిస్తుంటాడు. మరి ఈసారి ఆ అవకాశం లేదు. ఏం చేస్తాడో చూడాలి.

తాహీర్​

ఇదీ చూడండి కనురెప్ప వేయకుండా ధోనీ సరేనన్నాడు: ఉతప్ప