న్యూజిలాండ్తో ఆదివారం జరిగే ఐదో వన్డేకు మాజీ సారథి మహేంద్ర సింగ్ ధోని తిరిగి జట్టులోకి రానున్నాడు. నాలుగువన్డేలో ఘోర ఓటమి ఎదుర్కొన్న భారత్కు ధోని రాక నూతన ఉత్సాహాన్ని ఇచ్చింది. మరోవైపు కివీస్ నాలుగోవన్డేలో విజయంతో ఊపుమీద ఉంది. మొదటి మూడు వన్డేల్లో పటిష్టంగా ఉన్న భారత బ్యాటింగ్ అనూహ్యాంగా గత మ్యాచ్లో 92 పరుగులకే కుప్పకూలిపోయింది. ఇప్పడు మిడిలార్డర్లో ధోని ఉండటం భారత్కు కలిసొచ్చే అంశం. మరి కివీస్ జోరుకు ధోని కళ్లెం వేస్తాడా..!
ధోని పైనే దృష్టి...
ప్రస్తుత భారత జట్టులో అత్యంత అనుభవం ఉన్న ఆటగాడు ధోని. మైదానంలో ధోని సలహాలకు చాలా విలువుంది. బ్యాటింగ్లోనూ తాను జట్టుకు ఎంత విలువైన ఆటగాడో ఆస్ట్రేలియాతో సిరీస్లో ధోని నిరూపించాడు. వికెట్ల పతనాన్ని ఆపడంలో ధోనిది అందెవేసిన చెయ్యి. న్యూజిలాండ్ వన్డే సిరిస్న 4-1తో భారత్ గెలుపొందితే టీ-20 సిరిస్కు ఉత్సాహంగా అడుగుపెట్టొచ్చు.
స్వింగ్ బౌల్ట్ స్వింగ్...
పిచ్ ఏ మాత్రం సహకారించినా బౌల్ట్ బౌలింగ్ తీరే వేరు. నాలుగో వన్డేలో భారత్కు ఇది తెలుసొచ్చింది. ఆ మ్యాచ్లో ఐదు వికెట్లు తీసి తన స్వింగ్ బలం చూపించాడు. ఐదవ వన్డేకు వేదికైనా వెస్ట్పేక్ మైదానం స్వింగ్కు సహకరించే అవకాశం ఉంది.
శుభమన్గిల్కు మరో అవకాశం...
ప్రపంచకప్కు ముందు యువ ఆటగాళ్లకు వీలైనన్ని అవకాశాలు ఇవ్వాలని భారత్ ఆలోచిస్తోంది. సారథి కోహ్లి గైర్హాజరీలో యువతేజం శుభమన్గిల్కు మరో అవకాశం దక్కనుంది. గత మ్యాచ్ నిరాశ నుంచి అంబటి రాయుడు, కేదార్ జాదవ్, దినేశ్ కార్తీక్ వేగంగా కోలుకోవాల్సి ఉంది. శిఖర్ ధావన్, రోహిత్ శర్మ ఓపెనింగ్ శుభారంభంపై మరోసారి దృష్టి సారించాలి. భువనేశ్వర్ కుమార్కు విశ్రాంతినిచ్చి షమీని ఆడించే అవకాశం ఉంది. ఖలీల్ అహ్మద్ స్థానంలో సిరాజ్ను తుది జట్టులోకి తీసుకునే వీలుంది.
ప్రపంచకప్కు ముందు ప్రతికూలతలు...
వన్డే సిరీస్ అనంతరం జరగనున్న మూడు మ్యాచ్ల టీ-20 సిరీస్, ప్రపంచకప్కు ముందు భారత్ తన బ్యాటింగ్ లోపాలను అధిగమించాలి. స్వింగ్కు సహకరించే ఇంగ్లాండ్ పిచ్ల మీదే ప్రపంచకప్ జరగనుంది.
జోరుగా కివీస్..
మొదటి మూడు వన్డేల్లో నిరాశ పరిచినప్పటికీ నాలుగోవన్డేలో కివీస్ అనూహ్యంగా పుంజుకుంది. ఓపెనర్ గప్తిల్ వెన్నునొప్పి కారణంగా చివరి మ్యాచ్కు దూరమయ్యాడు.
సానుకూలతలు
⦁ టేలర్ ఫామ్
⦁ నికోల్స్ ఓపెనింగ్
⦁ బౌల్ట్ బౌలింగ్
జట్లు
భారత్: రోహిత్ శర్మ (కెప్టెన్), శిఖర్ ధావన్, ఎం.ఎస్. ధోనీ (కీపర్), అంబటి రాయుడు, కేదార్ జాదవ్, దినేశ్ కార్తీక్, హార్దిక్ పాండ్యా, కుల్దీప్ యాదవ్, భువనేశ్వర్ కుమార్, షమీ, చాహల్, శుభ్మన్ గిల్, ఖలీల్ అహ్మద్, సిరాజ్, జడేజా, విజయశంకర్.
న్యూజిలాండ్: విలియమ్సన్ (కెప్టెన్), ఆసిల్, బౌల్ట్, గ్రాండ్హూమ్, ఫెర్గ్యుసన్, హెన్రీ, లాథమ్ (కీపర్), మన్రో, జేమ్స్ నీషమ్, నికోల్స్, శాంట్నర్, సోధీ, టేలర్.