సచిన్​​నే వెనక్కినెట్టిన పాక్​ క్రికెటర్​.. కోహ్లీ కంటే వెనకే!

పాకిస్థాన్​ స్టార్​ క్రికెటర్​, కెప్టెన్​ బాబర్​ అజామ్​ అద్భుత ఫామ్​లో ఉన్నాడు. అన్ని ఫార్మాట్లలో రాణిస్తూ.. రికార్డుల్ని చెరిపేస్తున్నాడు. ప్రస్తుతం వన్డే, టీ-20ల్లో ప్రపంచ నెం.1గా ఉన్న బాబర్​.. తాజాగా భారత క్రికెట్​ దిగ్గజం సచిన్​ను ఓ విషయంలో అధిగమించాడు. అదేంటంటే?

Babar Azam Moves Sachin: ప్రస్తుతం మంచి ఫామ్​లో ఉన్న పాకిస్థాన్​ కెప్టెన్​ బాబర్​ అజామ్.. పలు రికార్డుల్ని తన ఖాతాలో వేసుకుంటున్నాడు. వన్డే, టీ-20ల్లో వరల్డ్ ​నెం.1గా ఉన్న పాక్​ సారథి.. తాజాగా ఆల్​టైమ్​ వన్డే బ్యాటర్స్​ ర్యాంకింగ్స్​లో రేటింగ్​ పాయింట్లను పెంచుకున్నాడు. భారత క్రికెట్​ దిగ్గజం సచిన్​ తెందుల్కర్​ను అధిగమించి 15వ స్థానంలో నిలిచాడు. ఇటీవల ఆస్ట్రేలియాతో వన్డే సిరీస్​లో ప్లేయర్​ ఆఫ్​ ది సిరీస్​గా నిలిచాడు బాబర్​. ఇదే క్రమంలో ర్యాంకింగ్స్​లో తన స్థానాన్ని మరింత పదిలపర్చుకున్నాడు.

బాబార్​ అజామ్​

బాబర్​ ఇదే రీతిలో ఆడితే.. ఆల్​టైమ్​ వన్డే బ్యాటింగ్​ ర్యాంకింగ్స్​ అత్యధిక రేటింగ్​ పాయింట్ల జాబితాలో టాప్​-10లోకి దూసుకెళ్లే అవకాశముందని క్రికెట్​ విశ్లేషకులు భావిస్తున్నారు. సచిన్ 887 రేటింగ్​ పాయింట్లతో ఇప్పుడు 16వ స్థానానికి పడిపోయాడు. బాబర్​ అజామ్​కు ప్రస్తుతం 891 పాయింట్లు ఉన్నాయి. ఈ లిస్ట్​లో వెస్టిండీస్​ మాజీ దిగ్గజ బ్యాటర్​ సర్​ వివ్​ రిచర్డ్స్​ 935 పాయింట్లతో అగ్రస్థానంలో ఉన్నాడు. టాప్​-10లో ఉన్న ఏకైక భారత ఆటగాడు విరాట్​ కోహ్లీనే. విరాట్​ 911 రేటింగ్​ పాయింట్లతో ఆరో ప్లేస్​లో ఉన్నాడు. ప్రస్తుతం క్రికెట్​ ఆడుతున్న వారిలో ముందుంది కోహ్లీనే కావడం విశేషం.

• Babar Azam has moved up to 15th position in the ICC All-Time ODI Batting Rankings #Cricket pic.twitter.com/2T6HZTZhT4

  — Saj Sadiq (@SajSadiqCricket) April 6, 2022 " class="align-text-top noRightClick twitterSection" data="

  Babar Azam has moved up to 15th position in the ICC All-Time ODI Batting Rankings #Cricket pic.twitter.com/2T6HZTZhT4

  — Saj Sadiq (@SajSadiqCricket) April 6, 2022

  ">

  Babar Azam has moved up to 15th position in the ICC All-Time ODI Batting Rankings #Cricket pic.twitter.com/2T6HZTZhT4

  — Saj Sadiq (@SajSadiqCricket) April 6, 2022

ప్రస్తుత పాక్​ క్రికెటర్లలో అత్యంత నిలకడగా ఆడుతున్న ఆటగాడు బాబర్​ మాత్రమే. 2019లో 20 ఇన్నింగ్స్​ల్లోనే 1092 పరుగులు చేశాడు. 2020లో 3 వన్డేల్లో 221 రన్స్​ చేశాడు. 2021లోనూ అదే ఫామ్​ కొనసాగించాడు. ఈ సంవత్సరం ఇప్పటివరకు ఆడిన 3 ఇన్నింగ్స్​ల్లో 276 పరుగులతో ఉన్నాడు. త్వరలో పాకిస్థాన్​.. వెస్టిండీస్​, నెదర్లాండ్స్​తో సిరీస్​లు ఆడనుంది. అందులో బాగా ఆడితే.. వన్డే రేటింగ్​ పాయింట్స్​లో టాప్​-10లోకి చేరడం పెద్ద కష్టమేమీ కాదు. పాక్​ నుంచి టాప్​-10లో ఇప్పటికే ఇద్దరు క్రికెటర్లు ఉన్నారు. జహీర్​ అబ్బాస్ 931 పాయింట్లతో 2, జావేద్​ మియాందాద్​ 910 రేటింగ్​ పాయింట్స్​తో ఏడో స్థానంలో ఉన్నారు.

ఇవీ చూడండి: రాజస్థాన్​ రాయల్స్​కు షాక్​.. టోర్నీ నుంచి స్టార్​ బౌలర్​ ఔట్​