ప్రపంచంలోనే అత్యధికంగా పారితోషికం తీసుకుంటున్న నటిగా హాలీవుడ్కు చెందిన సోఫియా వెర్గారా అగ్రస్థానంలో నిలిచింది. ఏడాది కాలంలో 43 మిలియన్‌ డాలర్లు (రూ.315 కోట్లు) సంపాదించి ఈ ఘనత సొంతం చేసుకుంది. ఈ క్రమంలోనే హాలీవుడ్ ప్రముఖ నటి ఏంజెలీనా జోలీని దాటేయడం విశేషమని విశ్లేషకులు అంటున్నారు.
ఫోర్బ్స్‌-2020 టాప్‌ 10లో ఏంజెలీనా జోలీ (35.5 మిలియన్‌ డాలర్లు), గాల్ గాడోట్ (31 మిలియన్‌ డాలర్లు), మెలిస్సా మెక్‌కార్తి (25 మిలియన్‌ డాలర్లు), మెరిల్‌ స్ట్రీప్‌ (24 మిలియన్‌ డాలర్లు), ఎమిలీ బ్లంట్‌ (22.5 మిలియన్‌ డాలర్లు), నికోల్‌ కిడ్మాన్‌ (22 మిలియన్‌ డాలర్లు), ఎల్లెన్‌ పాంపియో (19 మిలియన్‌ డాలర్లు), ఎలిజబెత్‌ మోస్‌ (16 మిలియన్‌ డాలర్లు), వియోలా డేవిస్‌ (15.5 మిలియన్‌ డాలర్లు) ఉన్నారు.
సోఫియా 'ది మోడ్రన్‌ ఫ్యామిలీ' షోతో బాగా పాపులర్‌ అయింది. ఈ షో ఒక్క ఎపిసోడ్‌కు ఆమె 50 వేల అమెరికా డాలర్లు (దాదాపు రూ.3.66 కోట్లు) పారితోషికంగా తీసుకున్నారట.
'ది మోడ్రన్‌ ఫ్యామిలీ' షో సీజన్‌ 11 ఈ ఏడాది ఏప్రిల్‌తో ముగిసింది. ఆమె పలు సంస్థలకు ప్రచారకర్తగా వ్యవహరిస్తోంది. సోఫియా ఇన్‌స్టాగ్రామ్‌ ఖాతాను 20.2 మిలియన్ల మంది ఫాలో అవుతున్నారు.
