Trivikram thaman movies: పవర్స్టార్ పవన్ కల్యాణ్ 'భీమ్లా నాయక్' గురించి అదిరిపోయే విషయం చెప్పారు ఆ సినిమా సంగీత దర్శకుడు తమన్. సినిమా అద్భుతంగా వచ్చిందని అన్నారు. త్రివిక్రమ్, తాను సినిమాలోని కొన్ని సీన్స్ ఇప్పటికే చూశామని చెబుతూ ఆసక్తికర విషయాల్ని వెల్లడించారు.
"త్రివిక్రమ్, నేను.. 'భీమ్లా నాయక్' మూవీ రషెస్ చూశాం. ఒక్క ముక్కలో చెప్పాలంటే ఇది పవన్ కల్యాణ్ కెరీర్లోనే ది బెస్ట్ మూవీ. నావైపు నుంచి వీలైనంత మంచి మ్యూజిక్ ఇస్తానని హామీ ఇస్తున్నాను" అని తమన్ ఓ మీడియాకు ఇచ్చిన ఇంటర్వ్యూలో చెప్పారు.
మలయాళ సినిమా 'అయ్యప్పనుమ్ కోశియమ్'కు తెలుగు రీమేక్ 'భీమ్లా నాయక్'. ఇందులో పవన్ పోలీస్ అధికారిగా నటించారు. రానా మరో ప్రధాన పాత్ర పోషించారు. నిత్యా మేనన్, సంయుక్త మేనన్ హీరోయిన్లుగా నటించారు. త్రివిక్రమ్.. స్క్రీన్ప్లే-మాటలు అందించగా, సాగర్ కె చంద్ర దర్శకత్వం వహించారు. నాగవంశీ నిర్మించారు.
సంక్రాంతి రావాల్సిన 'భీమ్లా నాయక్' పలు కారణాలతో ఫిబ్రవరి 25కు వాయిదా పడింది. అయితే ఇప్పుడు ఆ రోజు కూడా థియేటర్లలోకి సినిమా వచ్చేది అనుమానమేనని అంటున్నారు. చూడాలి మరి ఏం జరుగుతుందో?
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇవీ చదవండి:
