RRR movie: ప్రపంచవ్యాప్తంగా సినీ ప్రియులందరూ ఎంతో ఆత్రుతగా ఎదురుచూస్తున్న చిత్రం 'ఆర్ఆర్ఆర్'. రాజమౌళి దర్శకత్వం వహించిన ఈసినిమా.. సంక్రాంతి కానుకగా జనవరి 7న ప్రేక్షకుల ముందుకు రానుంది. దీంతో చిత్రబృందం గత కొన్ని రోజులుగా వరుస ఈవెంట్లు, ఇంటర్వ్యూల్లో పాల్గొంటోంది.
మరోవైపు దేశవ్యాప్తంగా ఒమిక్రాన్ కేసులు రోజురోజుకూ పెరుగుతున్న తరుణంలో దాన్ని కట్టడి చేసేందుకు రాష్ట్ర ప్రభుత్వాలు చర్యలు చేపడుతున్నాయి. ఇందులో భాగంగా దిల్లీలో థియేటర్లు మూతపడ్డాయి. ముంబయిలోనూ సినిమాహాళ్లు 50 శాతం ఆక్యుపెన్సీతోనే నడపాలని ప్రభుత్వం ఆదేశాలు జారీ చేసింది. దీంతో 'ఆర్ఆర్ఆర్' విడుదల వాయిదా పడే అవకాశం ఉందని నెట్టింట్లో ప్రచారం సాగుతోంది.
