Pawankalyan new remake movie update: భీమ్లానాయక్' హిట్తో జోష్ మీదున్న పవర్స్టార్ పవన్కల్యాణ్ మరో రీమేక్ కథకు గ్రీన్సిగ్నల్ ఇచ్చినట్లు తెలుస్తోంది. నటుడు సముద్రఖని స్వీయ దర్శకత్వంలో తెరకెక్కిన 'వినోదయ సీతమ్' తెలుగు రీమేక్లో పవన్ నటించనున్నారని గతంలో వార్తలు వచ్చాయి. తాజాగా మరోసారి ఆ ప్రచారం తెరపైకి వచ్చింది.
ఈ చిత్రానికి కూడా త్రివిక్రమ్ స్క్రీన్ప్లే, డైలాగ్స్ రాయనున్నట్లు తెలుస్తోంది. యువ హీరో సాయి ధరమ్ తేజ్ కీలక పాత్ర పోషిస్తారని సమాచారం. ప్రస్తుతం చర్చలు జరుగుతున్నాయట. త్వరలోనే అధికార ప్రకటన వచ్చే అవకాశముంది. కాగా, ఈ మూవీ కోసం పవన్ 20రోజుల పాటు కాల్ షీట్స్ ఇచ్చారని, రూ.50కోట్లు రెమ్యునరేషన్ తీసుకోనున్నారని టాలీవుడ్ వర్గాల సమాచారం.
- " class="align-text-top noRightClick twitterSection" data="">
కాగా, పవన్ రీఎంట్రీ ఇచ్చిన 'వకీల్సాబ్' కూడా హిందీ చిత్రం 'పింక్'కు రీమేక్. మలయాళ హిట్ 'అయ్యప్పనుమ్ కోశియుమ్'కు రీమేక్గా 'భీమ్లానాయక్' తెరకెక్కింది. ప్రస్తుతం ఆయన క్రిష్ దర్శకత్వంలో 'హరిహరవీరమల్లు', హరీష్ శంకర్ డైరెక్షన్లో 'భవదీయుడు భగత్ సింగ్' మూవీస్లో నటిస్తున్నారు.
ఇదీ చూడండి: 'రాధేశ్యామ్' కొత్త ట్రైలర్.. పెళ్లెందుకు కాలేదో చెప్పిన ప్రభాస్
