హిందీలో విజయవంతమైన 'రైడ్'ను తెలుగులో రీమేక్ చేయడంపై ప్రముఖ కథానాయకుడు నాగార్జున ఎప్పట్నుంచో ఆసక్తి చూపుతున్నారు. అయితే ఈ సినిమా గురించి ఆయన పలువురు దర్శకులతో చర్చించారు. మరి ఆ చిత్రాన్ని తెరకెక్కించే బాధ్యతని ఎవరికి అప్పచెబుతారనేది ఇప్పుడు టాలీవుడ్లో ఆసక్తికరంగా మారింది.
నాగార్జున 'వైల్డ్ డాగ్' చిత్రంలో నటిస్తున్నారు. చిత్రీకరణ దాదాపుగా చివరి దశకు చేరుకుంది. ఈ నేపథ్యంలో తదుపరి చేయాల్సిన చిత్రాలపై నాగ్ దృష్టి సారించారు.
దీంతోపాటు ప్రవీణ్‌ సత్తారు దర్శకత్వంలోనూ నాగ్ ఓ సినిమా చేయబోతున్నారని టాక్. యాక్షన్‌ థ్రిల్లర్‌ కథతో రూపొందుతుందని తెలుస్తోంది. ప్రవీణ్‌తో సినిమా తర్వాతే 'రైడ్' రీమేక్ పట్టాలెక్కనుంది.
ఇది చూడండి : అగ్రనటులను పరిచయం చేసిన 'సహజ' దర్శకుడు
